எஸ்.ஐ.ஆர் பணிகளில் திமுக தீவிரம் காட்டி வருவது அதிமுக, பாஜகவினர் இடையே அச்சத்தை ஏற்படுத்தி உள்ளது என்று மூத்த பத்திரிகையாளர் துக்ளக் இதயா கூறியுள்ளார்.
எஸ்.ஐ.ஆர் பணிகள் குறித்தும், அதிமுகவில் கூட்டணி பேச்சுவார்த்தைகள் குறித்தும் மூத்த பத்திரிகையாளர் துக்ளக் இதயா யூடியூப் சேனல் ஒன்றுக்கு அளித்த நேர்காணலில் தெரிவித்துள்ளதாவது :- விஜய் வருகையால் அதிமுக – பாஜக கூட்டணி பலவீனமாகி உள்ளது. அவர்களால் திமுக கூட்டணியை எதிர்த்து வெல்லும் வலிமை கிடையாது. அப்போது அதிமுக கூட்டணியை பலப்படுத்த வேண்டும் என்றால் பாமகவை ஒன்றிணைக்க வேண்டும். அதன் பிறகு தேமுதிகவை சேர்க்க வேண்டும். டிடிவி தினகரன், ஓபிஎஸ் போன்றவர்கள், எடப்பாடி முதலமைச்சர் ஆக எதிர்ப்பு தெரிவிக்கின்றனர். பிறகு கிருஷ்ணசாமி போன்றவர்கள் உள்ளனர். அதேநேரத்தில் திமுகவும் கூட்டணியை பலப்படுத்தும் பணிகளில் ஈடுபட்டு வருகிறது. ஏசி சண்முகத்திடமும் பேச்சுவார்த்தைகள் நடைபெற்று வருகிறது. குறிப்பாக எஸ்.ஐ.ஆர் வந்தபோது, வாக்குகளை எல்லாம் திருடி விடுவார்கள் என்று திமுக கொதித்து எழுந்து உச்சநீதிமன்றத்தில் வழக்கு தொடர்ந்தது, அறிக்கை விட்டது.
அதேநேரத்தில் எஸ்.ஐ.ஆரை ஆதரித்த அதிமுக, பாஜகவை கதற விடுவதும் திமுக தான். காரணம் திமுக களத்தில் இறங்கிவிட்டது. வாக்குச்சாவடிக்கு 4 முகவர்களை நியமித்து அவர்களுளக்கு நாள்தோறும் ஆயிரக்கணக்கில் செலவு செய்து எஸ்ஐஆர் பணிகளை மேற்கொள்ள அதிமுகவால் முடியவில்லை. அதேநேரம் திமுக ஆட்சியில் உள்ளதாலும், அந்த பகுதியின் கவுன்சிலர்கள் செலவு செய்தும் எஸ்.ஐ.ஆர். பணிகளை மேற்கொள்கிறார்கள். சில நகர பகுதிகளில் விஜய் கட்சியில் போட்டிருக்கிறார்கள். ஆனால் அதிமுகவுக்கு மிக மிக குறைந்த அளவே செய்கிறது.
திமுகவினர் தேவாலயங்களில் உள்ள அனைத்து வாக்காளர்களின் விவரங்களையும் பெற்று எஸ்.ஐ.ஆர் பணிகளை ஒருங்கிணைக்கிறார்கள். அதேபோல், ஜமாத்தாரிடம் வாக்காளர் விவரங்களை பெற்று ஒருங்கிணைக்கிறார்கள். வாக்காளர் பட்டியலில் பெயர் விடுபட்டால், அது திமுகவுககு வராத வாக்குகளாக தான் இருக்கும். வீடுகள் தோறும் சென்று எஸ்ஐஆர் விண்ணப்பங்கள் பதிவேற்றம் செய்யப்பட்டதா? என்று ஆய்வு செய்கிறார்கள். குறிப்பாக திமுகவுக்கு வாக்களிப்பவர்கள், சிறுபான்மை மக்களின் வாக்குகள் விடுபட்டு விடக்கூடாது என்பதற்காக தெளிவாக பணியாற்றுகிறார்கள்.
இதனால் அனைத்து இடங்களுக்கும் திமுகவே செல்கிறது என்று அதிமுக, பாஜகவே குற்றம்சாட்டுகின்றன. திமுக வியூகம் வகுப்பதிலும், கூட்டணியை முடிவு செய்வதிலும், எஸ்.ஐ.ஆர் களப்பணியிலும் முதலிடத்தில் இருக்கிறது. அதனால் தான் அவர்களுக்கு வெற்றி வாய்ப்பு பிரகாசமாக இருக்கிறது. மற்ற கட்சிகள், திமுகவிடம் பாடம் கற்றுக்கொள்ள வேண்டுமே தரவி, அவர்களை குறை சொல்லக்கூடாது. பாஜக வலிமையாக உள்ள இடங்களில் எஸ்.ஐ.ஆர் பணிகள் மேற்கொள்கிறார்கள்.
அதிமுக, பாஜக கூட்டணியில் தொகுதி பங்கீட்டின்போது எடப்பாடி பழனிசாமி மிகவும் உறுதியாக இருப்பார். பாஜக மேலிடத்தில் பேசி அண்ணாமலையையே மாற்றியவர் அவர். அண்ணாமலை வாயால் நான் தான் முதலமைச்சர் என்று சொல்ல வைத்தவர். பாஜகவிற்குள்ள கூடுதல் சீட்டுகள் கேட்க வேண்டும் என்று ஒரு குழு உள்ளது அவர்கள் இந்த கூட்டணி பலவீனப்பட வேண்டும். பிரச்சினை ஆகி நாளை நம்முடைய கை ஓங்க வேண்டும் என நினைப்பவர்கள் அதை ஏற்றுக்கொள்வார்கள். ஆனால் கூட்டணி விவகாரத்தில் பாஜக தலைமை தெளிவாக இருக்கிறது. இம்முறை தனியாக நின்று இன்னும் மோசமான வாக்கு வங்கியை பெற்றால் 18 சதவீதம் வாக்குகள் என்பது பொய் ஆகிவிடும்.
எனவே அதிமுக – பாஜக இடையே சுமூகமாக பேச்சுவார்த்தை நடத்தி இடங்களை ஒதுக்குவார்கள் என்று நினைக்கிறேன். பாஜக மிரட்டி அதிமுகவிடம் காரியம் பார்க்க முடியாது. 60 இடங்கள் வரை பாஜக தரப்பில் கேட்கப்படும். அதில் பேச்சுவார்த்தைக்கு பின்னர் பேசிக் கொள்வார்கள். எப்படி இருப்பினும் கடந்த முறையை விட இம்முறை கூடுதல் இடங்கள் கேட்பார்கள். ஆனால் பெரிய அளவுக்கு இருக்காது.