விஷால் 35 படத்தின் முக்கிய அப்டேட் வெளியாகியுள்ளது.
தமிழ் சினிமாவில் முன்னணி நடிகர்களில் ஒருவராக வலம் வரும் விஷால் நடிப்பில் கடைசியாக ‘மதகஜராஜா’ திரைப்படம் வெளியானது. இந்த படம் கிட்டத்தட்ட 12 வருடங்களுக்குப் பிறகு வெளியானாலும் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்றது. அதே சமயம் நடிகர் விஷால், ‘ஈட்டி’ படத்தின் இயக்குனர் ரவி அரசு இயக்கத்தில் தனது 35 வது திரைப்படத்தில் நடிப்பதற்கு ஒப்பந்தமானார். 
அதன்படி இந்த படத்தின் படப்பிடிப்புகள் ஏற்கனவே தொடங்கி விறுவிறுப்பாக நடைபெற்று வருகிறது. இந்த படத்தை சூப்பர் குட் பிலிம்ஸ் நிறுவனம் தயாரிக்க ஜி.வி. பிரகாஷ் இதற்கு இசையமைக்கிறார். ஏற்கனவே இவர் விஷாலின் ‘மார்க் ஆண்டனி’ படத்திற்கு இசையமைத்திருந்தார் என்பது குறிப்பிடத்தக்கது. மேலும் தற்காலிகமாக விஷால் 35 என்று தலைப்பு வைக்கப்பட்டுள்ள இந்த படத்தில் துஷாரா விஜயன், அஞ்சலி ஆகியோர் முக்கிய கதாபாத்திரங்களில் நடித்து வருவதாக தகவல் வெளியாகி வருகிறது. 
இந்நிலையில் இந்த படத்தின் டீசர் நாளை (ஆகஸ்ட் 24) காலை 11:45 மணியளவில் வெளியாகும் என படக்குழு புதிய போஸ்டர் ஒன்றை வெளியிட்டு அறிவித்துள்ளது. இந்த போஸ்டரை பார்க்கும்போது இந்த படம் மாஸான ஆக்ஷன் காட்சிகள் நிறைந்த படமாக இருக்கும்போல் தெரிகிறது. இது, டீசரின் மீதான எதிர்பார்ப்பை அதிகப்படுத்தியுள்ளது.
- Advertisement -