Apple ரசிகர்கள் ஆவலுடன் எதிர்பார்த்து வரும் நிறுவனத்தின் மிகப்பெரிய ஆண்டு வெளியீட்டு நிகழ்வு இன்று செப்டம்பர் 9 நடைபெற உள்ளது. “Surprise and Shine” என பெயரிடப்பட்டுள்ள இந்த நிகழ்வு இந்திய நேரப்படி இரவு 10.30 மணிக்கு தொடங்குகிறது. Apple-ன் அதிகாரப்பூர்வ இணையதளம் மற்றும் Apple TV App வழியாக நிகழ்வை நேரடியாக பார்க்க முடியும்.
iPhone 18 Pro, Pro Max அறிமுகமாகுமா?
இந்த நிகழ்வின் முக்கிய எதிர்பார்ப்பாக iPhone 18 Pro மற்றும் iPhone 18 Pro Max உள்ளன. புதிய தலைமுறை சிப், கேமரா மேம்பாடுகள், டிஸ்ப்ளே மாற்றங்கள், பேட்டரி திறன் உள்ளிட்ட பல்வேறு அப்டேட்கள் இடம்பெறலாம் என தகவல்கள் வெளியாகியுள்ளன.
குறிப்பாக, Pro மாடல்களில் புதிய கேமரா தொழில்நுட்பம் மற்றும் வடிவமைப்பு மாற்றங்கள் இடம்பெறலாம் என தொழில்நுட்ப வட்டாரங்கள் எதிர்பார்க்கின்றன. இருப்பினும், இவற்றில் பல தகவல்கள் இன்னும் அதிகாரப்பூர்வமாக உறுதி செய்யப்படவில்லை.
முதல் Foldable iPhone?
இந்த ஆண்டு Apple நிகழ்வின் மிகப்பெரிய சர்ப்ரைஸாக முதல் Foldable iPhone இருக்கலாம் என எதிர்பார்க்கப்படுகிறது.
தற்போது இதற்கு iPhone Ultra அல்லது iPhone Fold என்ற பெயர்கள் பயன்படுத்தப்பட்டு வருகின்றன. இந்த போன் புத்தகம் அல்லது பாஸ்போர்ட் போல திறக்கும் வகையில் வடிவமைக்கப்பட்டிருக்கலாம் என்றும், மடித்த நிலையில் வழக்கமான ஸ்மார்ட்போனை விட பெரிய தடிமன் இல்லாத வகையில் உருவாக்கப்படலாம் என்றும் தகவல்கள் வெளியாகியுள்ளன.
₹2 லட்சத்தை தாண்டுமா விலை?
Foldable iPhone-ன் விலை குறித்த எதிர்பார்ப்பும் அதிகமாக உள்ளது. சில சந்தை ஆய்வாளர்கள் இதன் சராசரி விலை $2,550-ஐ தாண்டலாம் என கணித்துள்ளனர். இந்திய மதிப்பில் இது சுமார் ₹2.25 லட்சம் அல்லது அதற்கு மேல் இருக்கக்கூடும். ஆனால் இது அதிகாரப்பூர்வ விலை அல்ல.
Apple Watch, AirPods-க்கும் புதிய அப்டேட்கள்?
iPhone-களுடன் புதிய Apple Watch Series 12, Apple Watch Ultra 4 மற்றும் புதிய தலைமுறை AirPods உள்ளிட்ட சாதனங்களும் அறிமுகமாகலாம் என எதிர்பார்க்கப்படுகிறது.
இந்தியாவில் எப்போது பார்க்கலாம்?
Apple-ன் “Surprise and Shine” நிகழ்வு:
📅 தேதி: செப்டம்பர் 9, 2026 ⏰ இந்திய நேரம்: இரவு 10.30 மணி 📍 இடம்: Apple Park, Cupertino 💻 நேரலை: Apple இணையதளம் / Apple TV App
புதிய iPhone 18 Pro, Pro Max மற்றும் Apple-ன் முதல் Foldable iPhone குறித்த அதிகாரப்பூர்வ விவரங்கள் அனைத்தும் நாளைய நிகழ்வில் தெரியவரும். குறிப்பாக Apple உண்மையில் Foldable iPhone-ஐ அறிமுகப்படுத்துகிறதா? என்பதே இந்த நிகழ்வின் மிகப்பெரிய எதிர்பார்ப்பாக உள்ளது.
பிரான்ஸில் ₹90 கோடி கலைப்படைப்புகள் கொள்ளை! ரெனுவார் அருங்காட்சியகத்தில் 4 ஓவியங்கள் திருட்டு