ஆதிக் ரவிச்சந்திரன் – பிரபு மகள் திருமண விழாவில் கலந்துகொண்டு மணமக்களை வாழ்த்திய திரைப்பட பிரபலங்கள்.
திரிஷா இல்லனா நயன்தாரா, பஹீரா, அன்பானவன் அடங்காதவன் அசராதவன் உள்ளிட்ட படங்களை இயக்கியவர் ஆதிக் ரவிச்சந்திரன். கடைசியாக இவர் இயக்கிய திரைப்படம் மார்க் ஆண்டனி. விஷால் மற்றும் எஸ் ஜே சூர்யா கூட்டணியில் வெளியான இப்படம் மிகப்பெரிய அளவில் வெற்றியை தந்து ஆதிக் ரவிச்சந்திரனுக்கு பெயரையும் புகழையும் பெற்று தந்தது.
ஆதிக் ரவிச்சந்திரன் அடுத்ததாக அஜித்தை இயக்க இருக்கிறார். ஆதிக் ரவிச்சந்திரன் அஜித்துடன் இணைந்து ஏற்கனவே நேர்கொண்ட பார்வை திரைப்படத்தில் பணியாற்றியுள்ளார் என்பது குறிப்பிடத்தக்கது.
இந்நிலையில் ஆதிக் ரவிச்சந்திரன் நடிகர் திலகம் சிவாஜி கணேசனின் பேத்தியும் நடிகர் பிரபுவின் மகளுமான ஐஸ்வர்யாவை நீண்ட நாட்களாக காதலித்து வந்துள்ளார். சில தினங்களுக்கு முன்பாக இரு வீட்டாரின் சம்மதத்துடன் நிச்சயதார்த்தம் நடைபெற்ற நிலையில் நேற்று இவர்களின் திருமணம் பெரியோர்களின் முன்னிலையில் கோலாகலமாக நடைபெற்றது.
இவர்களின் திருமண விழாவில் கமல்ஹாசன், ரஜினிகாந்த், விஷால் லெஜென்ட் சரவணன், பாக்கியராஜ், பூர்ணிமா, சுஹாசினி,துல்கர் சல்மான், மணிரத்னம்
போன்றோர் நேரில் சென்று மணமக்களை வாழ்த்தி உள்ளனர். இது சம்பந்தமான புகைப்படங்கள் தற்போது சமூக வலைதளங்களில் அதிகம் பகிரப்பட்டு வருகிறது.