ஜனநாயகன் படத்தின் டிரைலர் ரிலீஸ் குறித்த அப்டேட் கிடைத்துள்ளது.
விஜயின் 69 ஆவது படமாக உருவாகி இருக்கும் ஜனநாயகன் திரைப்படம் அடுத்த ஆண்டு ஜனவரி மாதம் 9ஆம் தேதி உலகம் முழுவதும் திரைக்கு வர தயாராகி வருகிறது. இந்த படத்தை தீரன் அதிகாரம் ஒன்று, வலிமை, துணிவு ஆகிய படங்களை இயக்கிய ஹெச். வினோத் இயக்கியுள்ளார். கே.வி.என் ப்ரொடக்ஷன்ஸ் நிறுவனம் இப்படத்தை தயாரிக்க அனிருத் இதன் இசையமைப்பாளராகவும், சத்யன் சூரியன் இதன் ஒளிப்பதிவாளராகவும் பணியாற்றுகின்றனர். அரசியல் சம்பந்தமான கதைக்களத்தில் உருவாகும் இந்த படத்தில் நடிகர் விஜய் போலீஸ் அதிகாரியாக நடித்திருக்கிறார்.
இவருடன் இணைந்து பூஜா ஹெக்டே, பாபி தியோல், மமிதா பைஜூ, பிரகாஷ்ராஜ், கௌதம் மேனன் மற்றும் பலர் நடித்துள்ளனர். ஏற்கனவே இந்த படத்தின் படப்பிடிப்புகள் முழுவதும் நிறைவடைந்து படம் தொடர்பான அடுத்தடுத்த அப்டேட்டுகள் வெளியாகி ரசிகர்களை உற்சாகப்படுத்தி வருகிறது. விரைவில் இதன் முதல் பாடல் வெளியாகும் என எதிர்பார்க்கப்படுகிறது. இருப்பினும் சமீபத்தில் நடந்த கரூர் சம்பவத்தின் காரணமாக இந்த படம் சொன்ன தேதியில் திரைக்கு வருமா? என்ற சந்தேகமும் எழுந்துள்ளது. ஆனால் படக்குழு இந்த படத்தின் ப்ரோமோஷன் பணிகளை நவம்பர் மாதத்தில் தொடங்க இருப்பதாகவும், இதன் இசை வெளியீட்டு விழாவை டிசம்பர் மாதத்தில் மலேசியாவில் நடத்த திட்டமிட்டு இருப்பதாகவும் சினிமா வட்டாரங்கள் தெரிவிக்கின்றன. 
இந்நிலையில் இந்த படத்தின் டிரைலர் ரிலீஸ் குறித்த அப்டேட் கிடைத்திருக்கிறது. அதன்படி 2026 ஜனவரி 1 அன்று புத்தாண்டு தினத்தை முன்னிட்டு இப்படத்தின் டிரைலர் வெளியாகும் என தற்போதைய தகவல்கள் தெரிவிக்கின்றன. எனவே படம் தொடர்பான அடுத்தடுத்த அப்டேட்டுகளை கொண்டாட ரசிகர்களும் இப்பொழுதே தயாராகி வருகிறார்கள்.