கமல் நடித்து வரும் இந்தியன் 2 படம் குறித்த முக்கிய தகவல் ஒன்று வெளியாகி உள்ளது.
கடந்த 1996 ஆம் ஆண்டு கமல்ஹாசன் நடிப்பில் வெளிவந்த ‘இந்தியன்’ திரைப்படம் மாபெரும் வெற்றி பெற்றது. அதைத் தொடர்ந்து 26 ஆண்டுகளுக்குப் பிறகு கமலின் நடிப்பில் இந்தியன் படத்தின் இரண்டாம் பாகம் உருவாகி வருகிறது. இந்த படத்தை இயக்குனர் சங்கர் இயக்கி வருகிறார்.
இப்படத்தில் கமலுடன் இணைந்து ராகுல் ப்ரீத் சிங், காஜல் அகர்வால், சமுத்திரக்கனி, சித்தார்த், பாபி சிம்ஹா, பிரியா பவானி சங்கர் மற்றும் பலர் நடித்து வருகின்றனர். லைக்கா நிறுவனத்தின் தயாரிப்பில் உருவாகி வரும் ‘இந்தியன் 2’ படத்திற்கு அனிருத் இசை அமைக்கிறார்.
கடந்த 2018 ஆம் ஆண்டு தொடங்கிய இந்த படத்தின் படப்பிடிப்பு கொரோனா உள்ளிட்ட பல காரணங்களால் படப்பிடிப்பில் தாமதம் ஏற்பட்டது. பின்பு சில நாட்களுக்கு முன் தொடங்கிய இந்த படத்தின் படப்பிடிப்பு தென்னாப்பிரிக்கா, தைவான், ஹைதராபாத், திருப்பதி, சென்னை உள்ளிட்ட பகுதிகளில் படமாக்கப்பட்டுள்ளது.
மிக பிரம்மாண்டமாகவும், மிகுந்த எதிர்பார்ப்புடனும் உருவாகி வரும் இப்படத்தின் படப்பிடிப்பு இந்த மாதம் முழுமையாக நிறைவடைந்து விடும் என்று சினிமா வட்டாரங்கள் தெரிவிக்கின்றன.
மேலும் இந்த படம் அடுத்த ஆண்டு ஜனவரி மாதத்தில் பொங்கல் தினத்தை முன்னிட்டு வெளியாகும் என்று சினிமா வட்டாரங்கள் தெரிவிக்கின்றன.