ரெட்ரோ படத்தின் ஓடிடி ரிலீஸ் குறித்த அப்டேட் வெளியாகியுள்ளது.
சூர்யாவின் 44 வது படமாக உருவாகியிருந்த திரைப்படம் தான் ரெட்ரோ. கார்த்திக் சுப்பராஜ் இயக்கி இருந்த இந்த படம் கடந்த மே 1ஆம் தேதி உலகம் முழுவதும் திரைக்கு கொண்டுவரப்பட்டது. இதில் சூர்யாவிற்கு ஜோடியாக பூஜா ஹெக்டே நடித்திருந்தார். மேலும் இவர்களுடன் இணைந்து ஜோஜு ஜார்ஜ், ஜெயராம், கருணாகரன், பிரகாஷ்ராஜ், விது மற்றும் பலர் நடித்திருந்தனர். இந்த படத்தை சூர்யாவின் 2D என்டர்டெயின்மெண்ட் நிறுவனமும், கார்த்திக் சுப்பராஜின் ஸ்டோன் பெஞ்ச் நிறுவனமும் இணைந்து தயாரித்திருந்தது. சந்தோஷ் நாராயணன் இந்த படத்திற்கு இசையமைத்திருந்தார். ஸ்ரேயாஸ் கிருஷ்ணா இதற்கு ஒளிப்பதிவு செய்து இருந்தார். காதல் கலந்த ஆக்சன் கதைக்களத்தில் உருவாகி இருந்த இந்த படம் மிகுந்த எதிர்பார்ப்புகளுடன் திரையிடப்பட்டது. படத்தில் இடம்பெற்ற கனிமா பாடலும், சிங்கிள் ஷாட் காட்சிகளும் ரசிகர்களை வெகுவாகக் கவர்ந்தன. இருப்பினும் இப்படம் ரசிகர்கள் மத்தியில் கலவையான விமர்சனங்களை பெற்றது. 
அதே சமயம் இந்த படம் உலக அளவில் ரூ. 235 கோடிக்கும் அதிகமாக வசூல் செய்துள்ளது என அறிவிக்கப்பட்டிருக்கிறது. இந்நிலையில் இப் வருகின்ற மே 31ஆம் தேதி நெட்பிளிக்ஸ் ஓடிடி தளத்தில் வெளியாகும் என தற்போதைய தகவல்கள் தெரிவிக்கின்றன. இந்த தகவல் சூர்யா ரசிகர்களுக்கு கொண்டாட்டத்தை தந்துள்ளது.