குடும்பஸ்தன் படத்தின் டிரைலர் இன்று வெளியாகும் என அறிவிக்கப்பட்டிருக்கிறது.
ஜெய் பீம் படத்தின் மூலம் ரசிகர்கள் மனதில் நீங்கா இடம் பிடித்தவர் நடிகர் மணிகண்டன். அதைத்தொடர்ந்து இவரது நடிப்பில் வெளியான குட் நைட், லவ்வர் ஆகிய படங்கள் ரசிகர்கள் மத்தியில் நல்ல வரவேற்பை பெற்றது. 
தற்போது இவர் குடும்பஸ்தன் எனும் திரைப்படத்தில் நடித்து முடித்து இருக்கிறார். இதில் மணிகண்டனுடன் இணைந்து குரு சோமசுந்தரம், பிரசன்னா மற்றும் பலர் நடித்துள்ளனர். இந்த படத்தை நக்கலைட்ஸ் இயக்குனர் ராஜேஸ்வர் காளிசாமி இயக்கியுள்ளார். சினிமாக்காரன் நிறுவனம் இந்த படத்தை தயாரிக்க வைஷாக் இந்த படத்திற்கு இசையமைத்துள்ளார். சுஜித் என் சுப்ரமணியம் இந்தப் படத்தின் ஒளிப்பதிவு பணிகளை கவனித்துள்ளார்.
மணிகண்டன் ஹீரோவாக நடித்தவரும் திரைப்படங்கள் அடுத்தடுத்து வெற்றி பெற்று வரும் நிலையில் தற்போது உருவாகி இருக்கும் குடும்பஸ்தன் படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி ஏற்கனவே இந்த படத்தின் படப்பிடிப்புகள் நிறைவடைந்து படத்திலிருந்து அடுத்தடுத்த போஸ்டர்களும் பாடல்களும் வெளியாகி வருகின்றன. 
இதற்கிடையில் இந்த படமானது வருகின்ற ஜனவரி 24ஆம் தேதி திரைக்கு வரும் என அறிவிக்கப்பட்டுள்ளது. இந்நிலையில் இன்று (ஜனவரி 18) இந்த படத்தின் டிரைலர் வெளியாகும் என அறிவிக்கப்பட்டுள்ளது.