குடும்பஸ்தன் பட ஓடிடி ரிலீஸ் தேதி அறிவிக்கப்பட்டுள்ளது.
டிஜே ஞானவேல் இயக்கத்தில் வெளியான ஜெய் பீம் என்ற படத்தின் மூலம் ரசிகர்கள் மத்தியில் மிகவும் பிரபலமானவர் மணிகண்டன். அதைத் தொடர்ந்து இவர் அடுத்தடுத்த படங்களில் ஹீரோவாக நடித்து வருகிறார். அந்த வகையில் இவரது நடிப்பில் வெளியான குட் நைட், லவ்வர் ஆகிய திரைப்படங்கள் ரசிகர்களை வெகுவாக கவர்ந்து வெற்றி படங்களாக அமைந்தது. அடுத்தது இவர் குடும்பஸ்தன் எனும் திரைப்படத்தில் ஹீரோவாக நடித்திருந்தார். இந்தப் படத்தை அறிமுக இயக்குனர் ராஜேஸ்வர் காளிசாமி இயக்கியிருந்தார். சினிமாக்காரன் நிறுவனம் இந்த படத்தை தயாரிக்க வைஷாக் இதற்கு இசையமைத்திருந்தார். இந்த படத்தில் மணிகண்டனுடன் இணைந்து சான்வி மேக்னா, குரு சோமசுந்தரம் மற்றும் பலர் நடித்திருந்தனர். 
காமெடி கலந்த கதைக்களத்தில் உருவாகியிருந்த இந்த படம் கடந்த ஜனவரி 24ஆம் தேதி திரைக்கு கொண்டுவரப்பட்டது. எனவே வெளியான முதல் நாளில் இருந்தே ரசிகர்கள் மத்தியில் பாசிட்டிவான விமர்சனங்களை பெற்ற இந்த படம் பல்வேறு தரப்பினர் இடையே பாராட்டுகளையும் பெற்றது. இந்நிலையில் இப்படம் வருகின்ற மார்ச் 7ஆம் தேதி ஜீ5 ஓடிடி தளத்தில் தமிழ், தெலுங்கு, மலையாளம், இந்தி, கன்னடம் உள்ளிட்ட மொழிகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.