சிவகார்த்திகேயனின் ‘மதராஸி’ படம் குறித்து தரமான அப்டேட் கொடுத்த பிரபலம்!

மதராஸி படம் குறித்த லேட்டஸ்ட் அப்டேட் வெளியாகியுள்ளது.

சிவகார்த்திகேயனின் 23 வது படமாக உருவாகி வரும் திரைப்படம் தான் மதராஸி. இந்த படத்தை ஸ்ரீ லட்சுமி மூவிஸ் நிறுவனம் தயாரிக்கிறது. அனிருத் இதற்கு இசை அமைக்கிறார். இப்படத்தை தீனா, ரமணா, கத்தி, துப்பாக்கி ஆகிய வெற்றி படங்களை கொடுத்த ஏ.ஆர். முருகதாஸ் இந்த படத்தை இயக்குகிறார். ஏ.ஆர். முருகதாஸின் மற்ற படங்களை போல் கமர்சியல் படமாக உருவாகும் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி 2025 செப்டம்பர் 5ஆம் தேதி படம் உலகம் முழுவதும் வெளியாக இருக்கிறது. இதற்கிடையில் இந்த படத்தின் படப்பிடிப்பு தூத்துக்குடி, சென்னை போன்ற பகுதிகளில் விறுவிறுப்பாக நடைபெற்றது. தற்போதுக் இப்படத்தின் கிளைமாக்ஸ் காட்சி இலங்கையில் படமாக்கப்பட்டு வருகிறது. இது தொடர்பான புகைப்படத்தை இப்படத்தின் தயாரிப்பாளர் சுதீப் எலாமன் தனது இன்ஸ்டாகிராம் பக்கத்தில் பகிர்ந்துள்ளார். இதன் மூலம் இந்த படமானது துறைமுகம் கடத்தல் பின்னணியில் உருவாகி வருவது போல் தெரிகிறது. இந்த புகைப்படம் இணையத்திலும் ரசிகர்களால் அதிகம் பகிரப்பட்டு வருகிறது.

மேலும் மதராஸி படத்தில் சிவகார்த்திகேயனுடன் இணைந்து வித்யூத் ஜம்வால், ருக்மிணி வசந்த், விக்ராந்த், டான்சிங் ரோஸ் சபீர், பிஜு மேனன் ஆகியோர் நடிக்கின்றனர் என்பது குறிப்பிடத்தக்கது.