ரீ ரிலீஸ் செய்யப்பட்ட அஜித்தின் அட்டகாசம் திரைப்படத்தை ரசிகர்கள் கொண்டாடி வருகின்றனர்.
தமிழ் சினிமாவின் டாப் நடிகர்களில் ஒருவரான அஜித் கடைசியாக ‘குட் பேட் அக்லி’ திரைப்படத்தில் நடித்திருந்தார். ஆதிக் ரவிச்சந்திரன் இயக்கியிருந்த இந்த படம் ரசிகர்கள் மத்தியில் ஏகபோக வரவேற்பை பெற்று அதிக வசூலை அள்ளியது. இதைத் தொடர்ந்து அஜித் தனது 64வது திரைப்படத்தில் நடிக்க உள்ளார். இதற்கிடையில் அஜித்தின் அட்டகாசம் திரைப்படம் ரீ ரிலீஸ் செய்யப்பட்டுள்ளது. இதனை ரசிகர்கள் கொண்டாடி வருகிறார்கள்.
கடந்த 2004 ஆம் ஆண்டு சரண் இயக்கத்தில் அஜித் நடிப்பில் அட்டகாசம் எனும் திரைப்படம் வெளியானது. இந்த படத்தில் அஜித் இரட்டை வேடங்களில் நடிக்க அவருடன் இணைந்து பூஜா, சுஜாதா, இளவரசு, கருணாஸ் மற்றும் பலர் நடித்திருந்தனர். அதிரடி ஆக்சன் படமாக வெளியான இந்த படம் ரசிகர்கள் மனதில் தனித்துவமான இடத்தை பிடித்துள்ளது. இந்நிலையில் இந்த படம் இன்று (நவம்பர் 28) 100க்கும் அதிகமான திரையரங்குகளில் ரீ ரிலீஸ் செய்யப்பட்டுள்ளது. அஜித் ரசிகர்கள் இதனைக் கொண்டாடி வருகிறார்கள்.
#Attagasam Re-release Celebrations in Bengaluru..😮💥 pic.twitter.com/XkqTtoBnBP
— Laxmi Kanth (@iammoviebuff007) November 28, 2025
அதிலும் பெங்களூரில் உள்ள அஜித் ரசிகர்கள் திரையரங்கிற்குள் பட்டாசுகளை வெடித்து அட்டகாசம் திரைப்படத்தை கொண்டாடும் வீடியோ இணையத்தில் வைரலாகி வருகிறது.
இதைத்தொடர்ந்து அஜித்தின் ‘அமர்க்களம்’ திரைப்படமும் ரீ ரிலீஸ் செய்யப்பட இருக்கிறது. அந்தப் படத்தையும் வெகு விமர்சையாக கொண்டாட ரசிகர்கள் தயாராகி வருகிறார்கள் என்பது குறிப்பிடத்தக்கது.