நேபாளத்தில் ஏற்பட்ட பேரழிவு வெள்ளத்துக்குப் பிறகு, உயிர்களை மீட்கும் பணியில் ஒரு சாதாரண WhatsApp குழு முக்கிய பங்காற்றி வருகிறது. வெள்ளத்தால் பாதிக்கப்பட்ட நீர்மின் நிலையங்களின் சுரங்கங்களில் சிக்கியிருக்கக்கூடியவர்களை மீட்க, பொறியாளர்கள் மற்றும் நிபுணர்கள் WhatsApp மூலம் தகவல்களைப் பகிர்ந்து வருகின்றனர்.
ஆகஸ்ட் 26-ம் தேதி திரிசூலி பள்ளத்தாக்கில் ஏற்பட்ட பயங்கர வெள்ளம் மற்றும் நிலச்சரிவுக்குப் பிறகு, இந்த WhatsApp குழு மீட்புப் பணிகளுக்கான முக்கிய தகவல் தொடர்பு தளமாக மாறியுள்ளது.
500-க்கும் மேற்பட்ட பொறியாளர்கள் இணைந்த குழு
இந்த WhatsApp குழுவில் தற்போது 500-க்கும் மேற்பட்ட பொறியாளர்கள் மற்றும் நிபுணர்கள் இணைந்துள்ளனர். வெள்ளத்துக்கு முன்பே சில பொறியாளர்களால் உருவாக்கப்பட்ட இந்தக் குழு, பேரழிவுக்குப் பிறகு மீட்புப் பணிகளுக்காக விரிவுபடுத்தப்பட்டது.
மீட்புக் குழுவினருக்கு சுரங்கங்களின் அமைப்பு, நுழைவுப் பாதைகள் மற்றும் நீர்மின் நிலையங்களின் கட்டமைப்பு குறித்த தகவல்கள் தேவைப்படும் நேரத்தில், குழுவில் உள்ள பொறியாளர்கள் உடனடியாக அவற்றை பகிர்ந்து வருகின்றனர்.
ஒரே WhatsApp மெசேஜ்… மீட்புக்கு முக்கியமான வரைபடம்!
சில நாட்களுக்கு முன்பு, சிலிம் நீர்மின் நிலையத்தில் மீட்புப் பணிகள் நடைபெற்றுக் கொண்டிருந்தபோது, ஒரு அரசு அதிகாரி WhatsApp குழுவில் அந்த திட்டத்தின் layout drawings-ஐ கேட்டுள்ளார்.
சில நிமிடங்களிலேயே குழுவில் இருந்த ஒருவர், நீர்மின் நிலையத்தின் powerhouse வரைபடம் மற்றும் சுரங்கங்களுக்குச் செல்லும் பாதைகள் தொடர்பான விவரங்களை பகிர்ந்துள்ளார்.
மண்ணும் பாறைகளும் சுரங்கங்களின் நுழைவாயில்களை மூடியிருந்த நிலையில், பழைய கட்டமைப்பு வரைபடங்கள் மீட்புக் குழுவினருக்கு எந்தப் பகுதியில் தேடுதல் நடத்த வேண்டும் என்பதை புரிந்துகொள்ள உதவியுள்ளன.
காணாமல் போனவர்களின் Mobile Numbers-ம் பகிர்வு
WhatsApp குழுவின் பயன்பாடு வரைபடங்களுடன் நின்றுவிடவில்லை. காணாமல் போன தொழிலாளர்களின் பெயர்கள் மற்றும் மொபைல் எண்களும் குழுவில் பகிரப்பட்டுள்ளன.
இந்த தகவல்கள் அரசு அதிகாரிகள் மூலம் தொலைத்தொடர்பு அதிகாரிகளிடம் வழங்கப்பட்டு, காணாமல் போனவர்களின் கடைசி பதிவு செய்யப்பட்ட location-ஐ கண்டறிய முயற்சிகள் மேற்கொள்ளப்பட்டு வருகின்றன.
சுரங்கங்களுக்குள் இன்னும் உயிர்கள் இருக்கலாம்!
வெள்ளம் மற்றும் சேறு காரணமாக பல நீர்மின் நிலையங்களின் சுரங்கங்கள் முழுமையாகவோ அல்லது பகுதியாகவோ மூடப்பட்டுள்ளன. சுமார் 900 பேர் ஆறு நீர்மின் நிலையங்களில் இருந்து காணாமல் போயுள்ளதாக அதிகாரிகள் தெரிவித்துள்ளனர்.
இவர்களில் சிலர் வெள்ளம் வருவதற்கு முன்பு சுரங்கங்களுக்குள் சென்றிருக்கலாம் அல்லது வெள்ளத்தில் இருந்து தப்பிக்க சுரங்கங்களுக்குள் தஞ்சம் அடைந்திருக்கலாம் என மீட்புக் குழுக்கள் நம்புகின்றன.
9 நாட்களுக்குப் பிறகு கிடைத்த நம்பிக்கை
இந்த தேடுதல் பணிகளுக்கு மத்தியில், Upper Trishuli 3A நீர்மின் திட்டத்தின் சுரங்கத்தில் சிக்கியிருந்த 2 தொழிலாளர்கள் 9 நாட்களுக்குப் பிறகு உயிருடன் மீட்கப்பட்டனர்.
சுரங்கத்திற்குள் இருந்து குரல் கேட்டதைத் தொடர்ந்து மீட்புக் குழுவினர் தீவிரமாக தேடி அவர்களை வெளியே கொண்டு வந்தனர். இந்த சம்பவம், இன்னும் சுரங்கங்களுக்குள் உயிருடன் இருப்பவர்கள் இருக்கக்கூடும் என்ற நம்பிக்கையை அதிகரித்துள்ளது.
2.2 மில்லியன் டன் சேறு மற்றும் குப்பைகள்
வெள்ளம் திரிசூலி பள்ளத்தாக்கில் சுமார் 2.2 மில்லியன் டன் சேறு, பாறைகள் மற்றும் பிற குப்பைகளை குவித்துள்ளதாக தகவல்கள் தெரிவிக்கின்றன.
இதனால் பல சுரங்கங்களின் நுழைவாயில்களைக் கண்டறிவதே மிகப்பெரிய சவாலாக மாறியுள்ளது. கனரக இயந்திரங்கள், ஹெலிகாப்டர்கள் மற்றும் நிபுணர்களின் தொழில்நுட்ப உதவியுடன் மீட்புப் பணிகள் தொடர்ந்து நடைபெற்று வருகின்றன.
பேரிடர் மீட்பில் புதிய பாடம்
ஒருபுறம் கனரக இயந்திரங்களும் மீட்பு வீரர்களும் களத்தில் போராடிக் கொண்டிருக்க, மறுபுறம் நூற்றுக்கணக்கான பொறியாளர்கள் WhatsApp வழியாக தகவல்களை ஒருங்கிணைத்து வருகின்றனர்.
சில நிமிடங்களில் கிடைக்கும் பழைய வரைபடங்கள், சுரங்கப் பாதைகள் குறித்த தகவல்கள் மற்றும் காணாமல் போனவர்களின் தொலைபேசி விவரங்கள் போன்றவை, உயிர்களைத் தேடும் இந்தப் போராட்டத்தில் முக்கியமான கருவிகளாக மாறியுள்ளன.
தொழில்நுட்பம் மற்றும் மனித நிபுணத்துவம் ஒன்றிணைந்தால், மிகக் கடினமான பேரிடர் சூழல்களிலும் மீட்புப் பணிகளை வேகப்படுத்த முடியும் என்பதற்கு நேபாளத்தின் இந்த முயற்சி ஒரு முக்கிய உதாரணமாக அமைந்துள்ளது.