விரைவில் தொடங்கும் அஜித்தின் ‘ஏகே 64’?

ஆதிக் ரவிச்சந்திரன் இயக்கவுள்ள ஏகே 64 படம் விரைவில் தொடங்க இருப்பதாக தகவல் வெளியாகியிருக்கிறது.

தமிழ் சினிமாவில் டாப் நடிகர்களில் ஒருவராக வலம் வரும் அஜித், அடுத்ததாக தனது 64வது திரைப்படத்தில் நடிக்க உள்ளார். இந்த படத்தை ஆதிக் ரவிச்சந்திரன் இயக்க ரோமியோ பிக்சர்ஸ் நிறுவனம் இந்த படத்தை தயாரிக்க இருப்பதாகவும் அனிருத் இதற்கு இசையமைக்கப் போவதாகவும் சொல்லப்படுகிறது. ஏற்கனவே அஜித்- ஆதிக் கூட்டணியில் வெளியான ‘குட் பேட் அக்லி’ திரைப்படம் வசூல் ரீதியாகவும், விமர்சன ரீதியாகவும் நல்ல வரவேற்பை பெற்ற நிலையில் அஜித்- ஆதிக்கின் அடுத்த படத்தின் மீதான எதிர்பார்ப்பும் மிகப்பெரிய அளவில் இருந்து வருகிறது. அதே சமயம் ஏகே 64 படத்தில் மோகன்லால் முக்கிய கதாபாத்திரத்தில் நடிக்க உள்ளார் என சொல்லப்படுகிறது. இது தவிர மிஷ்கின், ஸ்ரீலீலா ஆகியோர் நடிக்கப் போவதாகவும் தகவல் வெளியாகி வருகின்றன. இது ஒரு பக்கம் இருக்க மற்றொரு பக்கம் அஜித், தன்னுடைய அடுத்த படம் 2025 நவம்பர் மாதத்தில் தொடங்கும் எனவும் 2026 ஏப்ரல் அல்லது மே மாதத்தில் திரைக்கு வரும் எனவும் கூறியிருந்தார். ஆனால் தற்போது கிடைத்த தகவல் என்னவென்றால், அஜித்தின் அடுத்த படமான ‘ஏகே 64’ படத்தின் ஆரம்பகட்ட பணிகள் முழு வீச்சில் நடைபெற்று வருவதாகவும், 2025 அக்டோபர் மாதத்தில் படப்பிடிப்பு தொடங்கும் எனவும் சினிமா வட்டாரங்கள் தெரிவிக்கின்றன. ஆகையினால் விரைவில் இப்படம் தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.