லோகேஷ் கனகராஜின் ‘டிசி’ படத்தில் இணைந்த மற்றுமொரு நடிகை!

லோகேஷ் கனகராஜின் டிசி படத்தில் மற்றுமொரு நடிகை இணைந்திருப்பதாக தகவல் வெளியாகி உள்ளது.

தமிழ் சினிமாவில் ‘மாநகரம்’ படத்தின் மூலம் இயக்குனராக அறிமுகமாகி கைதி, மாஸ்டர், விக்ரம், லியோ என தொடர் வெற்றி படங்களை கொடுத்து ரசிகர்கள் மனதில் நீங்கா இடம் பிடித்திருப்பவர் லோகேஷ் கனகராஜ். இவர் கடைசியாக ‘கூலி’ திரைப்படத்தை இயக்கியிருந்தார். அடுத்தது ‘கைதி 2’ படத்தை இயக்க உள்ளார். இதற்கிடையில் ஹீரோவாகவும் அறிமுகமாகி இருக்கும் இவர், அருண் மாதேஸ்வரன் இயக்கத்தில் டிசி எனும் திரைப்படத்தில் நடித்து வருகிறார். சன் பிக்சர்ஸ் நிறுவனம் தயாரிக்கும் இந்த படமானது கேங்ஸ்டர் கதைக்களத்தில் உருவாகி வருவதாக சொல்லப்படுகிறது. சமீபத்தில் இந்த படத்தின் ப்ரோமோ வீடியோ வெளியாகி இணையத்தில் வைரலாகி வந்தது. அதே சமயம் இதன் படப்பிடிப்புகளும் விறுவிறுப்பாக நடைபெற்று வருகின்றன. இந்த படத்தில் லோகேஷ் கனகராஜுடன் இணைந்து வாமிகா கபி நடித்து வருகிறார். இதில் வாமிகா கபிக்கு வலுவான கதாபாத்திரம் இருக்கும் போல் தெரிகிறது. இந்நிலையில் ‘லப்பர் பந்து’ பட கதாநாயகி, சஞ்சனா கிருஷ்ணமூர்த்தியும் இந்த படத்தில் முக்கிய கதாபாத்திரத்தில் நடித்து வருவதாக புதிய தகவல் வெளிவந்துள்ளது. மேலும் இந்த படத்தின் படப்பிடிப்பை டிசம்பர் மாத இறுதிக்குள் அல்லது அடுத்த ஆண்டு ஜனவரி மாதத்திற்குள் முடிக்க படக்குழு திட்டமிட்டு வருவதாகவும் சினிமா வட்டாரங்கள் தெரிவிக்கின்றன. இனிவரும் நாட்களில் மற்ற தகவல்கள் கிடைக்கும் என்று நம்பப்படுகிறது.