அர்ஜுன் தாஸ் நடிக்கும் பாம் படத்திலிருந்து மெலோடி பாடல் வெளியாகி உள்ளது.
நடிகர் அர்ஜுன் தாஸ், லோகேஷ் கனகராஜ் இயக்கத்தில் வெளியான ‘கைதி’ படத்தில் வில்லனாக நடித்ததன் மூலம் ரசிகர்கள் மத்தியில் மிகவும் பிரபலமானார். அதை தொடர்ந்து மீண்டும் லோகேஷ் இயக்கத்தில் ‘மாஸ்டர்’ படத்திலும் நடித்திருந்தார். இதன் பின்னர் வில்லனாக மட்டுமல்லாமல் ஹீரோவாகவும் நடித்து வருகிறார் அர்ஜுன் தாஸ். அந்த வகையில் ஏற்கனவே அநீதி, ரசவாதி ஆகிய படங்களில் நடித்திருந்த அர்ஜுன் தாஸ் தற்போது ‘ஒன்ஸ்மோர்’ போன்ற படங்களை கைவசம் வைத்துள்ளார். 
இது தவிர இவர் புதிய வெப் தொடர் ஒன்றிலும் நடித்து வருவதாக சொல்லப்படுகிறது. இதற்கிடையில் இவர், பாம் எனும் திரைப்படத்தில் நடித்துள்ளார். இந்த படத்தில் காளி வெங்கட், சிவாத்மிகா, அபிராமி, நாசர், பால சரவணன், சிங்கம் புலி ஆகியோரும் நடித்துள்ளனர். இந்த படத்தை சுதா சுகுமார் மற்றும் சுகுமார் பாலகிருஷ்ணன் ஆகியோர் தயாரிக்க டி. இமான் இப்படத்தின் இசையமைப்பாளராகவும் ராஜ்குமார் ஒளிப்பதிவாளராகவும் பணியாற்றியுள்ளனர். வித்தியாசமான கதையில் உருவாகி இருக்கும் இந்த படத்தின் அடுத்தடுத்த போஸ்டர்களும், டைட்டில் டீசரும் வெளியாகி ரசிகர்களை கவர்ந்து வருகிறது.
மேலும் இந்த படமானது 2025 செப்டம்பர் மாதம் திரைக்கு வரும் என சொல்லப்படுகிறது. இந்நிலையில் இந்த படத்தில் இருந்து ‘இன்னும் எத்தனை காலம்‘ எனும் பாடல் வெளியாகி இணையத்தில் வைரலாகி வருகிறது. இந்த பாடலை கார்த்திக் மற்றும் ஸ்வேதா மோகன் ஆகிய இருவரும் பாடியிருக்கும் நிலையில் மணி அமுதவன் இப்பாடல் வரிகளை எழுதியுள்ளார் என்பது குறிப்பிடத்தக்கது.