அதர்வா நடிப்பில் வெளியான ‘தணல்’…. ஓடிடி ரிலீஸ் அப்டேட்!

அதர்வா நடிப்பில் வெளியான தணல் படத்தின் ஓடிடி ரிலீஸ் அப்டேட் வெளியாகியுள்ளது.தமிழ் சினிமாவில் பாணா காத்தாடி, பரதேசி, சண்டிவீரன், ஈட்டி, இமைக்கா நொடிகள் உள்ளிட்ட படங்களில் நடித்து ரசிகர்கள் மத்தியில் மிகவும் பிரபலமானவர் நடிகர் அதர்வா. இவரது நடிப்பில் வெளியான ‘டிஎன்ஏ’ திரைப்படம் ரசிகர்கள் மத்தியில் நல்ல வரவேற்பை பெற்றது. அடுத்தது இவர் சிவகார்த்திகேயனின் ‘பராசக்தி’ திரைப்படத்தில் முக்கிய கதாபாத்திரத்தில் நடித்துள்ளார். இந்த படம் 2026 ஜனவரி 14ஆம் தேதி திரைக்கு வர இருக்கிறது. இதற்கிடையில் இவர், தணல் எனும் திரைப்படத்தில் நடித்திருந்தார். இந்தப் படத்தை அன்னை பிலிம் புரொடக்ஷன் நிறுவனம் தயாரிக்க ரவீந்திர மாதவா இயக்கி இருந்தார். இதில் அதர்வா தவிர லாவண்யா திரிபாதி, அஸ்வின் காக்கமானு, அழகம்பெருமாள் மற்றும் பலர் நடித்திருந்தனர். ஜஸ்டின் பிரபாகரன் இதனை இசையமைப்பாளராகவும் சக்தி சரவணன் இதன் ஒளிப்பதிவாளராகவும் பணியாற்றியிருந்தனர். 100, ட்ரிக்கர் ஆகிய படங்களுக்கு பிறகு இந்த படத்தில் நடிகர் அதர்வா போலீஸ் அதிகாரியாக நடித்திருந்தார். திரில்லர் ஜானரில் விறுவிறுப்பான திரைக்கதையில் உருவாகியிருந்த இந்த படம் கடந்த செப்டம்பர் 12ஆம் தேதி திரையிடப்பட்டு, ரசிகர்கள் மத்தியில் நல்ல வரவேற்பை பெற்றது. இந்நிலையில் இந்த படம் நாளை (அக்டோபர் 17) அமேசான் பிரைம் தளத்தில் வெளியாகும் என அறிவிக்கப்பட்டிருக்கிறது.