பிரபாஸ் நடிப்பில் உருவாகி வரும் திரைப்படம் ப்ராஜெக்ட் கே. அதாவது கல்கி 2898 AD. இப்படம் இந்திய திரை உலகில் மிகப்பெரிய எதிர்பார்ப்புகளுடன் உருவாகி வரும் பான் இந்தியா திரைப்படங்களில் முக்கியமான ஒன்றாகும். இந்த படத்தை தெலுங்கு இயக்குனர் நாக் அஸ்வின் இயக்கி வருகிறார். இதில் பிரபாஸுக்கு வில்லனாக கமல்ஹாசன் நடிக்கிறார். மேலும் அமிதாப் பச்சன், தீபிகா படுகோன், திஷா பதாணி, பசுபதி உள்ளிட்டோர் முக்கிய கதாபாத்திரங்களில் நடிக்கின்றனர். வை ஜெயந்தி மூவிஸ் நிறுவனம் இந்த படத்தை தயாரிக்கிறது.
டைம் டிராவல் சயின்ஸ் பிக்சன் கதைக்களத்தில் இப்படம் உருவாகி வருகிறது. இதன் படப்பிடிப்புகள் தற்போது விறுவிறுப்பாக நடைபெற்று வருகிறது. சமீபத்தில் இந்த படத்தின் பிரபாஸ் மற்றும் தீபிகா படுகோன் உள்ளிட்டோரின் ஃபர்ஸ்ட் லுக் வெளியாகி நல்ல வரவேற்பு பெற்றது. அதை தொடர்ந்து, கல்கி 2898 AD படத்தின் கிளிம்ஸ் வெளியாகி ரசிகர்களை வெகுவாகக் கவர்ந்தது. மேலும் இப்படம் இரண்டு பாகங்களாக உருவாகி வரும் நிலையில் இதில் பிரபாஸ் கல்கி அவதாரத்தில் நடித்துள்ளார். அடுத்த ஆண்டு இப்படம் வெளியாக இருக்கிறது.
தற்போது இந்த படத்தின் புதிய அப்டேட்டாக இந்த படத்தில் பிரபல பான் இந்தியா ஸ்டார் துல்கர் சல்மான் இணைந்துள்ளதாக தற்போதைய தகவல்கள் தெரிவிக்கின்றன. துல்கர் சல்மான் ஏற்கனவே பான் இந்திய அளவில் பிரபலமானவர் என்பது குறிப்பிடத்தக்கது. இந்நிலையில் பிரபாஸுடன் கல்கி 2898 AD யில் துல்கர் சல்மான் இணைந்துள்ள இந்த தகவல் படத்தின் மீதான எதிர்பார்ப்பை எகிற செய்துள்ளது.