மாரி செல்வராஜ் மற்றும் உதயநிதி ஸ்டாலின் கூட்டணியில் உருவான திரைப்படம் மாமன்னன். இந்த படத்தில் உதயநிதி ஸ்டாலின் உடன் இணைந்து வடிவேலு, பகத் பாசில், கீர்த்தி சுரேஷ் உள்ளிட்டோர் முக்கிய கதாபாத்திரங்களில் நடித்துள்ளனர். உதயநிதி ஸ்டாலினின் ரெட் ஜெயன்ட் மூவிஸ் நிறுவனம் இந்த படத்தை தயாரித்திருந்தது. ஏ ஆர் ரகுமான் படத்திற்கு இசையமைத்திருந்தார். தேனி ஈஸ்வர் ஒளிப்பதிவு செய்திருந்தார்.
சமூக நீதி மற்றும் சமத்துவம் சார்ந்த உண்மைகளையும் அரசியலில் சாதிய ஒடுக்கு முறைகள் மற்றும் ஏற்றத்தாழ்வுகள் குறித்து பேசப்பட்ட இப்படம் கடந்த ஜூன் 29ஆம் தேதி வெளியாகி வசூல் ரீதியாகவும் விமர்சன ரீதியாகவும் நல்ல வரவேற்பு பெற்றது. மேலும் ரஜினிகாந்த், தனுஷ், விக்னேஷ் சிவன், பா ரஞ்சித் உள்ளிட்ட பல்வேறு தரப்பினர் இடையே பாராட்டுகளையும் பெற்றது.
கடந்த ஜூன் 14ஆம் தேதி இந்த படம் தெலுங்கில் ‘ நாயகுடு’ என்ற பெயரில் வெளியானது.
இந்நிலையில் இந்த படம் வருகின்ற ஜூலை 27 ஆம் தேதி நெட்லிக்ஸ் ஓ டி டி தளத்தில் தமிழ் தெலுங்கு கன்னடம் மலையாளம் உள்ளிட்ட மொழிகளில் வெளியாக இருப்பதாக அதிகாரப்பூர்வமாக அறிவிக்கப்பட்டுள்ளது.