தமிழ் சினிமாவின் ட்ரெண்டிங் இயக்குனர்களில் ஒருவராக வலம் வருபவர் இயக்குனர் நெல்சன். இவர், நயன்தாரா நடிப்பில் வெளியான கோலமாவு கோகிலா என்ற படத்தின் மூலம் தமிழ் சினிமாவில் இயக்குனராக அறிமுகமானார். 
அதை தொடர்ந்து இவர் டாக்டர், பீஸ்ட் உள்ளிட்ட படங்களை இயக்கினார். இருப்பினும் கடந்தாண்டில் வெளியான ஜெயிலர் திரைப்படம் தான் நெல்சனை இந்திய அளவில் பிரபலமாக்கியது. சூப்பர் ஸ்டார் ரஜினி நடிப்பில் இவர் இயக்க இருந்த ஜெயிலர் திரைப்படம் கிட்டத்தட்ட 600 கோடிக்கும் அதிகமாக வசூல் செய்து வரலாற்று சாதனை படைத்தது. அடுத்தது நெல்சன் ஜெயிலர் 2 திரைப்படத்தை இயக்க உள்ளார். இதற்கிடையில் தயாரிப்பாளராகவும் உருவெடுத்துள்ள நெல்சன், கவின் நடிப்பில் உருவாகி இருக்கும் ப்ளடி பெக்கர் திரைப்படத்தை தயாரித்திருக்கிறார். இந்த படம் வருகின்ற அக்டோபர் 31 தீபாவளி தினத்தை முன்னிட்டு திரைக்கு வர தயாராகி வருகிறது. 
அதன்படி இதற்கான ப்ரோமோஷன் பணிகளில் கலந்து கொண்ட நெல்சன், ஜெயிலர் 2 படம் குறித்து பேசி உள்ளார். அதாவது, ஜெயிலர் 2 படம் தான் தனது அடுத்த படம் என்று தெரிவித்துள்ளார். எனவே ரஜினி, தனது 171 வது படமான கூலி திரைப்படத்தை முடித்த பின்பு நெல்சன், ரஜினி கூட்டணியில் ஜெயிலர் 2 திரைப்படம் தொடங்கும் என்று எதிர்பார்க்கப்படுகிறது. மேலும் ஜெயிலர் 2 திரைப்படத்தில் யார் யார் கேமியோ ரோல்களில் நடிக்கப் போகிறார்கள் என்று எதிர்பார்ப்பும் இருந்து வருகிறது. இனிவரும் நாட்களில் ஜெயிலர் 2 படம் தொடர்பான அதிகாரப்பூர்வ அறிவிப்பு வெளியாகும் என்று நம்பப்படுகிறது.