மாற்றுத்திறனாளிகளுக்கு இலவச ஸ்கூட்டி… நடிகர் ராகவா லாரன்ஸ் உதவி…
- Advertisement -
தமிழர் பாரம்பரியமான மல்லர் கலையில் கலக்கும் மாற்றுத்திறனாளிகள் பலருக்கு, நடிகர் ராகவா லாரன்ஸ் இலவசமாக ஸ்கூட்டிகளை வழங்கி இருக்கிறார்.
நடிகர், இயக்குநர், தயாரிப்பாளர், நடன இயக்குநர் என பன்முகத் தன்மை கொண்டவர் ராகவா லாரன்ஸ். இவரது நடிப்பில் இறுதியாக சந்திரமுகி 2 மற்றும் ஜிகர்தண்டா டபுள் எக்ஸ் ஆகிய படங்கள் வௌியாகின. இதில் ஜிகர்தண்டா படத்தின் இரண்டாம் பாகத்தில் ராகவாவின் நடிப்பு பெரிதளவில் பாராட்டப்பட்டது. இதைத் தொடர்ந்து அவர் அடுத்தடுத்து பல படங்களில் கமிட்டாகி வருகிறார். அவர் நடிப்பில் தற்போது பென்ஸ் மற்றும் ஹண்டர் ஆகிய திரைப்படங்கள் உருவாகின்றன. இதில் பென்ஸ் படத்தை இயக்குநர் லோகேஷ் கனகராஜ் தயாரிக்கிறார். ரெமோ, சுல்தான் படங்களை இயக்கிய பாக்கியராஜ் கண்ணன் இப்படத்தை இயக்குகிறார்.
இதுதவிர மற்றொரு திரைப்படம் ஹண்டர். மாபெரும் பட்ஜெட்டில் மிகவும் பிரம்மாண்டமாக உருவாகும் இப்படத்தை சத்யஜோதி நிறுவனம் தயாரிக்கிறது. இப்படத்தை வெங்கட் மோகன் இயக்குகிறார். இவர், அயோக்கியா படத்தை இயக்கியவர் ஆவார். இத்திரைப்படத்திற்கு தேவி ஸ்ரீ பிரசாத் இசை அமைக்கிறார். மேலும், இது ராகவா நடிக்கும் 25-வது திரைப்படமாகும்.
இதுபோன்று, சினிமாவில் பிசியாக நடித்து வரும் அவர், அவ்வப்போது, மாற்றுத்திறனாளிகளுக்கு தேவையான உதவிகளை செய்து வருகிறார். அந்த வகையில், தற்போது தமிழரின் பாரம்பரியமான மல்லர் கலைக்குழுவில் உள்ள மாற்றுத்திறனாளிகள் பலருக்கு இலவசமாக ஸ்கூட்டிகள் வழங்கி இருக்கிறார். இது தொடர்பாக செய்தி இணையத்தில் வெளியாகி வைரலாகி வருகிறது.
