சிவகார்த்திகேயன் நடிக்கும் மதராஸி படத்தின் இசை வெளியீட்டு விழா குறித்த அப்டேட் வெளியாகியுள்ளது.
சிவகார்த்திகேயனின் 23வது படமாக உருவாகி வரும் திரைப்படம் தான் மதராஸி. இந்த படத்தை பிரபல இயக்குனர் ஏ.ஆர். முருகதாஸ் இயக்கி இருக்கிறார். ஸ்ரீ லட்சுமி மூவிஸ் நிறுவனம் இந்த படத்தை தயாரிக்க அனிருத் இதற்கு இசையமைத்துள்ளார். ஆக்சன் கலந்த காதல் படமாக உருவாகி வரும் இந்த படத்தில் சிவகார்த்திகேயனுக்கு ஜோடியாக ருக்மிணி வசந்த் நடித்திருக்கிறார். மேலும் வித்யூத் ஜம்வால், டான்சிங் ரோஸ் சபீர், விக்ராந்த், பிஜு மேனன் ஆகியோர் நடித்துள்ளனர். இந்த படத்தின் மீதான எதிர்பார்ப்பு மிகப்பெரிய அளவில் இருந்து வரும் நிலையில் படமானது 2025 செப்டம்பர் 5 அன்று திரைக்கு வர தயாராகி வருகிறது. இதற்கிடையில் இந்த படத்தின் படப்பிடிப்புகள் முழுவதும் நிறைவடைந்து படத்தின் பின்னணி வேலைகள் நடைபெற்று வருகின்றன.
அதன்படி படத்திலிருந்து அடுத்தடுத்த போஸ்டர்கள், கிளிம்ப்ஸ், முதல் பாடல் ஆகியவை வெளியாகி ரசிகர்களை கவர்ந்துள்ளது. இந்நிலையில் இந்த படத்தின் இசை வெளியீட்டு விழா குறித்த அப்டேட் வெளியாகியிருக்கிறது. அதாவது வருகிற ஆகஸ்ட் 24ஆம் தேதி சென்னை சாய்ராம் கல்லூரியில் ‘மதராஸி’ படத்தின் இசை வெளியீட்டு விழா நடைபெற இருப்பதாக தெரியவந்துள்ளது. விரைவில் படக்குழுவினர் சார்பில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.