வீர தீர சூரன் படத்தின் ரிலீஸ் தேதி குறித்த தகவல் வெளியாகியுள்ளது.
நடிகர் விக்ரம் தற்போது தனது 62 ஆவது படமான வீர தீர சூரன் பாகம் 2 எனும் திரைப்படத்தில் நடித்து வருகிறார். 
இந்த படத்தினை பண்ணையாரும் பத்மினியும், சேதுபதி, சித்தா ஆகிய படங்களை இயக்கியதன் மூலம் ரசிகர்கள் மத்தியில் பிரபலமான அருண்குமார் இயக்கி வருகிறார். இப்படத்தை ஹெச். ஆர் பிக்சர்ஸ் நிறுவனம் தயாரிக்க தேனி ஈஸ்வர் இந்த படத்தின் ஒளிப்பதிவு பணிகளை கவனிக்கிறார். ஜிவி பிரகாஷ் இதற்கு இசையமைக்கிறார். இந்த படத்தில் நடிகர் விக்ரம் காளி என்ற கதாபாத்திரத்தில் நடிக்கிறார். இவருடன் இணைந்து எஸ் ஜே சூர்யா, சுராஜ் வெஞ்சரமூடு, சித்திக், துஷாரா விஜயன் ஆகியோர் முக்கிய கதாபாத்திரங்களில் நடித்து வருகின்றனர். கிராமப்புற ஆக்ஷன் கலந்த கதைக்களத்தில் உருவாகி வரும் இந்த படத்தின் படப்பிடிப்புகள் ஏற்கனவே தொடங்கப்பட்ட நிலையில் படப்பிடிப்பு தற்போது இறுதி கட்டத்தை நெருங்கி உள்ளதாக சொல்லப்படுகிறது. 
இந்நிலையில் படக்குழுவினர் அடுத்தடுத்த போஸ்டர்களை வெளியிட்டு ரசிகர்களின் கவனம் ஈர்த்து வருகின்றனர். அதேசமயம் நேற்று (டிசம்பர் 9) இந்த படத்தின் டீசர் வெளியாகி இணையத்தில் வைரலாகி வருகிறது. மேலும் இந்த டீசரின் இறுதியில் இப்படமானது 2025 ஜனவரி மாதம் திரைக்கு வரும் என தெரிவிக்கப்பட்டிருந்தது. அதன்படி வீர தீர சூரன் பாகம் 1 திரைப்படம் ஜனவரி மாதம் 24 ஆம் தேதி வெளியாகும் என புதிய தகவல்கள் தெரிவிக்கின்றன. எனவே விரைவில் படம் தொடர்பான மற்ற அப்டேட்டுகள் வெளியாகும் என எதிர்பார்க்கப்படுகிறது.