ரஞ்சி கோப்பை 2026-27 கிரிக்கெட் தொடரில் தமிழ்நாடு – ரயில்வேஸ் அணிகள் இடையிலான ஆட்டம் சென்னையில் உள்ள எம்.ஏ. சிதம்பரம் மைதானத்தில் இன்று (அக்டோபர் 26) தொடங்கியது.
டாஸ் வென்ற தமிழ்நாடு அணி முதலில் பந்துவீச்சைத் தேர்வு செய்தது. இதையடுத்து பேட்டிங் செய்த ரயில்வேஸ் அணி, தமிழ்நாடு பந்துவீச்சாளர்களின் கட்டுப்பாட்டை எதிர்கொள்ள முடியாமல் 53.3 ஓவர்களில் 184 ரன்களுக்கு அனைத்து விக்கெட்டுகளையும் இழந்தது.
சாய் கிஷோர், சோனு யாதவ் அசத்தல்
தமிழ்நாடு அணியின் கேப்டன் ரவிசங்கர் சாய் கிஷோர் சிறப்பாகப் பந்துவீசி 3 விக்கெட்டுகளை வீழ்த்தினார். சோனு யாதவ் 3 விக்கெட்டுகளையும், ஜெகநாதன் ஹேம்சுதேஷன் 2 விக்கெட்டுகளையும் கைப்பற்றினர். குர்ஜப்நீத் சிங் மற்றும் எஸ். அஜித் ராம் தலா ஒரு விக்கெட்டை வீழ்த்தினர்.
ரயில்வேஸ் அணியில் ஜுபைர் அலி கான் அதிகபட்சமாக 75 ரன்கள் எடுத்தார். ரவி சிங் 21 ரன்களும், தௌஃபிக் உத்தீன் மொண்டல் 18 ரன்களும் எடுத்தனர். மற்ற வீரர்கள் பெரிய அளவில் ரன் குவிக்கத் தவறினர்.
தமிழ்நாடு அணி பேட்டிங் தொடக்கம்
184 ரன்களுக்கு ரயில்வேஸ் அணியைச் சுருட்டிய தமிழ்நாடு அணி தனது முதல் இன்னிங்ஸைத் தொடங்கியது. தொடக்கத்திலேயே விமல் குமார் விக்கெட்டை இழந்தாலும், நாராயண் ஜெகதீசன் மற்றும் பிரதோஷ் ரஞ்சன் பால் களத்தில் இருந்தனர்.
முதல் நாள் ஆட்டம் தொடர்ந்து நடைபெற்று வரும் நிலையில், தமிழ்நாடு அணி முதல் இன்னிங்ஸில் முன்னிலை பெறும் நோக்கில் விளையாடி வருகிறது.