சொர்க்கவாசல் படத்தின் டீசர் வெளியாகி உள்ளது.
ஆர் ஜே பாலாஜி ஆரம்பத்தில் வருணனையாளராக இருந்து தற்போது தமிழ் சினிமாவின் முக்கியமான நடிகராகவும் இயக்குனராகவும் வலம் வருகிறார். 
இவரது இயக்கத்தின் வெளியான மூக்குத்தி அம்மன் திரைப்படம் ரசிகர்கள் மத்தியில் மிகப்பெரிய வரவேற்பை பெற்று மாபெரும் வெற்றி படமாக அமைந்தது. அடுத்தது இவர் சூர்யா நடிப்பில் புதிய படம் ஒன்றை இயக்கப் போவதாக ஏற்கனவே அறிவிப்பு வெளியாகி எதிர்பார்ப்பை ஏற்படுத்தி உள்ளது. இதற்கிடையில் இவர் பல படங்களில் நடித்து வரும் நிலையில் சொர்க்கவாசல் எனும் திரைப்படத்திலும் நடித்திருக்கிறார் ஆர் ஜே பாலாஜி. அதன்படி சொர்க்கவாசல் திரைப்படத்தை சித்தார்த் விஸ்வநாத் எழுதி இயக்குகிறார். ஸ்வைப் ரைட் நிறுவனம் இந்த படத்தை தயாரிக்க கிறிஸ்டோ சேவியர் இதற்கு இசை அமைக்கிறார். பிரின்ஸ் ஆண்டர்சன் இந்த படத்தின் ஒளிப்பதிவு பணிகளையும் மேற்கொள்கிறார். இந்த படத்தில் ஆர் ஜே பாலாஜி உடன் இணைந்து கருணாஸ், செல்வராகவன், நட்டி நடராஜ், சானியா ஐயப்பன் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். கடந்த சில தினங்களுக்கு முன்னர் இந்த படத்தின் பர்ஸ்ட் லுக் போஸ்டர் வெளியாகி நல்ல வரவேற்பை பெற்ற நிலையில் தற்போது இந்த படத்தின் டீசர் வெளியாகி உள்ளது.
இந்த டீசரை பார்க்கும்போது இந்த படமானது வெறித்தனமான ஜெயில் – திரில்லர் படம் போல் தெரிகிறது. இந்த டீசர், படத்தின் மீதான எதிர்பார்ப்பை அதிகப்படுத்தியோடு இணையத்திலும் வைரலாகி வருகிறது. மேலும் இந்த படம் நவம்பர் மாதத்தில் வெளியாகும் என்று எதிர்பார்க்கப்படுகிறது.