கிழக்கு ஆசியாவில் பெரும் பீதியை ஏற்படுத்தியுள்ள ‘டால்பின்’ (Typhoon Dolphin) தீவிரப் புயல் ஜப்பானின் தெற்குப் பகுதியான ஒகி மற்றும் ககோஷிமா தீவுகளைப் பலத்த சேதத்துடன் தாக்கியுள்ளது.
கண்ணிமைக்கும் நேரத்தில் அதிவேகக் காற்றோடு கரையை நெருங்கிய இந்த சக்திவாய்ந்த புயல் காரணமாக, பல்லாயிரக்கணக்கான கட்டிடங்கள் மின்சாரத்தை இழந்து இருளில் மூழ்கியுள்ளன. இதற்கிடையில், இந்தப் புயல் விரைவில் தனது திசையை மாற்றிச் சீனாவுக்கும் கரையை நெருங்கும் என எதிர்பார்க்கப்படுவதால், சீனக் கடற்கரைப் பகுதிகளில் துறைமுகங்கள் மூடப்பட்டு முழுமையான பாதுகாப்பு நடவடிக்கைகள் முடுக்கிவிடப்பட்டுள்ளன.
முக்கிய நிலவரங்கள்
ஜப்பானில் கடுமையான பாதிப்பு
ஒகி மற்றும் ககோஷிமா (Okinawa & Kagoshima) மாகாணங்களை உலுக்கிய டால்பின் புயலால் பலத்த காற்று வீசியது. இதனால் ஐம்பதாயிரத்திற்கும் மேற்பட்ட கட்டிடங்களுக்கு மின்சாரம் முற்றிலுமாகத் துண்டிக்கப்பட்டுள்ளது. காற்றின் வேகம் காரணமாகச் சில முதியவர்கள் உட்பட பொதுமக்கள் காயமடைந்துள்ளனர்.
விமானப் போக்குவரத்து ரத்து
பாதுகாப்பு முன்னெச்சரிக்கை நடவடிக்கையாக ஜப்பான் ஏர்லைன்ஸ் மற்றும் ஏ.என்.ஏ (ANA) உள்ளிட்ட முன்னணி உள்நாட்டு விமான நிறுவனங்கள் ஒகி மாகாணத்திற்கான பல விமானச் சேவைகளை ரத்து செய்துள்ளன.
சீனாவில் அதிரடி பாதுகாப்பு நடவடிக்கைகள்
ஜப்பானைத் தொடர்ந்து விரைவில் தனது கிழக்குக் கடற்கரைப் பகுதியில் கரையைக் கடக்கும் என எதிர்பார்க்கப்படுவதால், சீனா தன் பங்கிற்குப் பெரும் முன்னெச்சரிக்கை நடவடிக்கைகளைக் கையிலெடுத்துள்ளது. புயல் அபாயம் காரணமாக முக்கியத் துறைமுகங்கள் தற்காலிகமாக மூடப்பட்டுள்ளன; கப்பல் போக்குவரத்துகளும் படகுச் சேவைகளும் முழுமையாக நிறுத்தப்பட்டுள்ளன. மேலும், இந்தக் கோரப் புயல் மேலும் தீவிரமடையக்கூடும் என்பதால், வானிலை ஆய்வு மையங்கள் தொடர்ந்து எச்சரிக்கை விடுத்து வருவதுடன், பொதுமக்களைப் பாதுகாப்பான இடங்களில் தங்க வைக்கும் பணிகளிலும் அரசுகள் தீவிரமாக ஈடுபட்டுள்ளன.