தமிழ்நாட்டில் மகளிர் கிரிக்கெட்டை ஊக்குவிக்கும் வகையில், தமிழ்நாடு கிரிக்கெட் சங்கம் (TNCA) சார்பில் சென்னை சேப்பாக்கம் மைதானத்தில் டி20 காட்சிப் போட்டி நடைபெற்றது. இதில் டிஎன்சிஏ தலைவர் லெவன் மற்றும் டிஎன்சிஏ செயலாளர் லெவன் அணிகள் பலப்பரீட்சை நடத்தின.
போட்டிச் சுருக்கம்
டிஎன்சிஏ செயலாளர் லெவன்: 20 ஓவர்களில் 132/7 (நிதி 34; பூஜாரிணி 2/விக, ரோஷினி 2/விக)
டிஎன்சிஏ தலைவர் லெவன்: 19.2 ஓவர்களில் 133/7 (அா்ஷி சவுத்ரி 37, திரிஷா மது 27)
முடிவு: டிஎன்சிஏ தலைவர் லெவன் அணி 3 விக்கெட்கள் வித்தியாசத்தில் வெற்றி பெற்றது.
ஆட்டத்தின் முக்கிய அம்சங்கள்
முதலில் பேட்டிங்: நாணய சுழற்சியில் வென்று முதலில் களம் இறங்கிய ‘செயலாளர் லெவன்’ அணி 20 ஓவர்கள் முடிவில் 7 விக்கெட் இழப்பிற்கு 132 ரன்கள் எடுத்தது. அந்த அணியின் நிதி 39 பந்துகளில் அதிகபட்சமாக 34 ரன்கள் சேர்த்தார். ‘தலைவர் லெவன்’ அணியின் பந்துவீச்சாளர்கள் பூஜாரிணி மற்றும் ரோஷினி தலா 2 விக்கெட்டுகளை வீழ்த்தி அசத்தினர்.
அதிரடி சேஸிங்: 133 ரன்கள் என்ற இலக்கை நோக்கி களம் இறங்கிய ‘தலைவர் லெவன்’ அணி, கேப்டன் அா்ஷி சவுத்ரியின் (37 ரன்கள்) பொறுப்பான ஆட்டத்தாலும், திரிஷா மதுவின் (27 ரன்கள்) பங்களிப்பாலும் 19.2 ஓவர்களில் 7 விக்கெட்டுகளை மட்டும் இழந்து வெற்றி இலக்கை எட்டியது.
கிராண்ட் செஸ் டூர்: வின்சென்ட் கீமரை வீழ்த்தி இறுதிச் சுற்று வாய்ப்பை நெருங்கிய பிரக்ஞானந்தா!