டெல்லியில் வாக்காளர் பட்டியல் சிறப்பு தீவிர திருத்தப் பணியான SIR-ன் (Special Intensive Revision) கீழ் தயாரிக்கப்பட்ட Draft Electoral Roll வெளியாகியுள்ளது. இதில் மொத்தம் 1.45 கோடி வாக்காளர்களில் சுமார் 47.7 லட்சம் பேரின் பெயர்கள் இடம்பெறவில்லை என்ற தகவல் பெரும் பரபரப்பை ஏற்படுத்தியுள்ளது.
இதனால் டெல்லியின் மொத்த வாக்காளர் எண்ணிக்கையில் கிட்டத்தட்ட மூன்றில் ஒரு பங்கு பேர் தற்போது Draft Roll-ல் இடம்பெறாத நிலை ஏற்பட்டுள்ளது. அதே நேரத்தில், இது இறுதி வாக்காளர் பட்டியல் அல்ல என்பதும் குறிப்பிடத்தக்கது.
எதற்காக 47.7 லட்சம் பெயர்கள் இடம்பெறவில்லை?
டெல்லியில் ஜூன் 30 முதல் ஆகஸ்ட் 17 வரை வீடு வீடாகச் சென்று SIR கணக்கெடுப்பு மற்றும் சரிபார்ப்பு பணிகள் நடைபெற்றன. இந்த நடவடிக்கையில் பெறப்பட்ட Enumeration Forms-ல் சுமார் 97.5 லட்சம் வாக்காளர்களின் விவரங்கள் டிஜிட்டல் முறையில் பதிவேற்றப்பட்டுள்ளன.
மீதமுள்ள 47.7 லட்சம் வாக்காளர்கள் Absent, Shifted, Dead, Duplicate மற்றும் Others (ASDDO) போன்ற பிரிவுகளின் கீழ் வகைப்படுத்தப்பட்டு Draft Roll-ல் இடம்பெறவில்லை என தேர்தல் அதிகாரிகள் தெரிவித்துள்ளனர்.
பெயர் இல்லாதவர்கள் மீண்டும் சேர்க்க முடியுமா?
முடியும். Draft Roll-ல் பெயர் இடம்பெறாத தகுதியான வாக்காளர்களுக்கு தங்களது பெயரை மீண்டும் சேர்க்க வாய்ப்பு வழங்கப்பட்டுள்ளது.
இதற்காக Form 6 மற்றும் தேவையான Declaration Form, ஆதார ஆவணங்களுடன் கோரிக்கையை சமர்ப்பிக்கலாம். இந்த Claims and Objections காலம் செப்டம்பர் 30, 2026 வரை நடைபெறுகிறது.
இறுதி வாக்காளர் பட்டியல் எப்போது?
பெறப்படும் கோரிக்கைகள் மற்றும் ஆட்சேபனைகள் பரிசீலிக்கப்பட்ட பிறகு, விசாரணை மற்றும் Notice வழங்கும் நடவடிக்கைகள் அக்டோபர் 29 வரை நடைபெறும்.
அதன் பின்னர் டெல்லியின் Final Electoral Roll நவம்பர் 4, 2026 அன்று வெளியிட திட்டமிடப்பட்டுள்ளது.
வாக்காளர்கள் உடனடியாக செய்ய வேண்டியது என்ன?
டெல்லியில் வாக்காளர் பட்டியலில் பெயர் உள்ளதா என்பதை ஒவ்வொருவரும் சரிபார்த்துக் கொள்வது முக்கியம். பெயர் இடம்பெறவில்லை என்றால், செப்டம்பர் 30-க்குள் உரிய நடைமுறையைப் பின்பற்றி பெயரைச் சேர்ப்பதற்கான கோரிக்கையை சமர்ப்பிக்க வேண்டும்.
குறிப்பாக, 47.7 லட்சம் பேர் Draft Roll-ல் இல்லாதது நிரந்தரமாக அவர்களின் வாக்குரிமை பறிக்கப்பட்டுவிட்டது என்று அர்த்தமல்ல. இது Draft Roll மட்டுமே என்பதால், Claims and Objections நடைமுறையின் மூலம் தகுதியானவர்கள் தங்களது பெயரை மீண்டும் சேர்க்க முடியும்.
டெல்லியில் அடுத்தடுத்த தேர்தல் நடவடிக்கைகளுக்கு இந்த SIR திருத்தம் முக்கியத்துவம் பெற்றுள்ள நிலையில், வாக்காளர்கள் தங்களது பெயர் மற்றும் விவரங்களை சரிபார்த்து, தேவைப்பட்டால் குறிப்பிட்ட காலக்கெடுவுக்குள் நடவடிக்கை எடுக்க வேண்டியது அவசியமாகியுள்ளது.