மார்க் ஆண்டனி படத்தில் விஷால் தான் சம்பந்தப்பட்ட காட்சிகளில் நடித்து முடித்துள்ளதாக படக்குழுவினர் அறிவித்துள்ளனர்.
விஷால் தற்போது ஆதிக் ரவிசந்திரன் இயக்கத்தில் மார்க் ஆண்டனி படத்தில் நடித்துள்ளார். எஸ்ஜே சூர்யா இந்தப் படத்தில் முக்கியக் கதாபாத்திரத்தில் நடித்துள்ளார். ரித்து வர்மா, செல்வராகவன், தெலுங்கு நடிகர் சுனில், ரெடின் கிங்ஸ்லி, அபிநயா உள்ளிட்டோர் பலரும் இந்தப் படத்தில் நடித்துள்ளனர். ஜிவி பிரகாஷ் இசையமைத்துள்ளார்.
மார்க் ஆண்டனி தமிழ், தெலுங்கு, இந்தி என 3 மொழிகளில் வெளியாக இருக்கிறது. படத்தின் ட்ரைலர் வெளியாகி நல்ல வரவேற்பைப் பெற்றுள்ளது. விஷால் மற்றும் எஸ்ஜே சூர்யா இருவரும் பல கெட்டப்களில் காணப்படுகின்றனர்.
தற்போது படத்தின் இறுதி கட்ட பணிகள் நடைபெற்று வருகின்றன. இந்நிலையில் இந்தப் படத்தில் விஷால் மற்றும் நடிகர் சுனில் இருவரும் தங்களது பகுதிகளுக்கான படப்பிடிப்பை முடித்துள்ளனர். அதையடுத்து இருவருக்கும் தனித்தனி கேக்குகள் வைத்து அதை வெட்டி படக்குழுவினர் கொண்டாடியுள்ளனர்.
விஷால், சுனில் மற்றும் ஆதிக் இருவருக்கும் கேக் ஊட்டி விடுகிறார். இந்த வீடியோவை படக்குழு வெளியிட்டுள்ளனர். வீடியோ வைரலாகி வருகிறது