மத்திய பிரதேசத்தில் நதியைத் தூய்மைப்படுத்தி சமூக வலைத்தளங்களில் வைரலான இளைஞரின் நற்செயலைப் பாராட்டி, நெதர்லாந்தைச் சேர்ந்த பிரபல ‘ஓஷன் கிளீனப்’ (Ocean Cleanup) நிறுவனம் அவருக்குப் வேலைவாய்ப்பை வழங்கி கௌரவித்துள்ளது.
சுயநலமற்ற சுற்றுச்சூழல் சேவை
மத்திய பிரதேசத்தைச் சேர்ந்த பிட்டு டபாஹி (20) என்ற இளைஞர், தன் பகுதியில் உள்ள நதியில் தேங்கிக் கிடந்த பிளாஸ்டிக் மற்றும் பிற கழிவுகளைத் தன் சொந்த முயற்சியால் அகற்றி தூய்மைப்படுத்தும் பணிகளில் ஈடுபட்டு வந்தார். இவர் நதியைச் சுத்தம் செய்யும் வீடியோக்கள் சமூக வலைத்தளங்களில் பரவி, லட்சக்கணக்கான மக்களின் பாராட்டுகளைப் பெற்றன.
உழைப்புக்குக் கிடைத்த சர்வதேச அங்கீகாரம்
இளைஞரின் இந்தச் சுயநலமற்ற சுற்றுச்சூழல் சேவையையும் உழைப்பையும் கண்டு வியந்த நெதர்லாந்தைச் சேர்ந்த சர்வதேசச் சுற்றுச்சூழல் அமைப்பான ‘Ocean Cleanup’ நிறுவனம், அவரை நேரில் தொடர்பு கொண்டு பாராட்டியுள்ளது. மேலும், அவரது ஆர்வத்தையும் திறமையையும் ஊக்குவிக்கும் வகையில், தங்கள் நிறுவனத்திலேயே அவருக்கு வேலைவாய்ப்பையும் வழங்கியுள்ளது.
குவியும் வாழ்த்துகள்
தன் தனிநபர் ஆர்வத்தால் ஆற்றைச் சுத்தம் செய்யத் தொடங்கி, இன்று சர்வதேச நிறுவனத்தில் வேலைவாய்ப்பைப் பெற்றுள்ள பிட்டு டபாஹியின் இந்தச் சாதனைக்குப் பலரும் தங்களது வாழ்த்துகளைத் தெரிவித்து வருகின்றனர். “உண்மையான உழைப்புக்கு என்றும் உரிய அங்கீகாரம் கிடைக்கும்” என்பதற்கு இச்சம்பவம் சிறந்த சான்றாக அமைந்துள்ளது.
நேபாள பெருவெள்ளம்: உயிரிழப்பு 1,344 ஆக அதிகரிப்பு! தொடர்ந்து நீடிக்கும் மீட்புப் பணிகள்