Jio பயனர்களுக்கு புதிய சலுகை அறிவிக்கப்பட்டுள்ளது. Jio மற்றும் Canva இணைந்து வழங்கும் இந்த சலுகையின் மூலம், தகுதியான Jio வாடிக்கையாளர்கள் Canva Pro அல்லது Canva Pro Lite சந்தாவை 12 மாதங்கள் வரை இலவசமாக பயன்படுத்தலாம். இந்த சலுகையின் மதிப்பு ரூ.4,000 வரை இருக்கும் என தெரிவிக்கப்பட்டுள்ளது.
எந்த ரீசார்ஜ் செய்தால் Canva Pro கிடைக்கும்?
Jio ரீசார்ஜ் திட்டத்தைப் பொறுத்து கிடைக்கும் Canva சந்தா மாறுபடும்.
ரூ.399 திட்டம்: இந்த திட்டத்தில் ரீசார்ஜ் செய்யும் தகுதியான Jio பயனர்களுக்கு 12 மாதங்களுக்கு Canva Pro இலவசமாக கிடைக்கும்.
ரூ.349 திட்டம்: இந்த திட்டத்தைப் பயன்படுத்துபவர்களுக்கு Canva Pro Lite 12 மாதங்களுக்கு இலவசமாக வழங்கப்படுகிறது.
மேலும், ரூ.349-க்கு மேல் விலையில் தினசரி 2GB டேட்டா வழங்கும் தகுதியான prepaid திட்டங்களுக்கும் Canva Pro Lite கிடைக்கும் என தெரிவிக்கப்பட்டுள்ளது.
MyJio App மூலம் பெறலாம்
இந்த சலுகையைப் பெறுவதற்கு தகுதியான Jio பயனர்கள் MyJio App-ஐ திறந்து Canva சலுகை பகுதியைத் தேர்வு செய்து activation செய்ய வேண்டும். தகுதி உள்ள பயனர்களுக்கு கூடுதல் சந்தா கட்டணம் அல்லது மறைமுகக் கட்டணம் வசூலிக்கப்படாது என தெரிவிக்கப்பட்டுள்ளது.
Canva Pro-வில் என்னென்ன வசதிகள்?
Canva Pro மூலம் பிரீமியம் templates, புகைப்படங்கள், வீடியோக்கள் மற்றும் fonts உள்ளிட்ட பல்வேறு வசதிகளைப் பயன்படுத்தலாம். மேலும், Background Remover, Magic Resize, Magic Eraser போன்ற கருவிகளும் கிடைக்கும்.
இதுதவிர, Canva Pro-வில் Canva AI, Content Planner, மேம்பட்ட AI கருவிகள் மற்றும் அதிக AI பயன்பாட்டு வரம்பு உள்ளிட்ட கூடுதல் வசதிகளும் வழங்கப்படுகின்றன. Canva Pro-வில் 100GB cloud storage வசதியும் உள்ளது.
Canva Pro Lite-ல் என்ன கிடைக்கும்?
Canva Pro Lite சந்தாவிலும் பிரீமியம் templates, photos, videos, fonts, Background Remover, Magic Resize, Magic Eraser மற்றும் print-ready exports போன்ற முக்கிய வசதிகள் கிடைக்கும்.
இருப்பினும், Canva Pro-வுடன் ஒப்பிடும்போது சில மேம்பட்ட வசதிகள் இதில் கட்டுப்படுத்தப்பட்டுள்ளன. Pro Lite-ல் 50GB cloud storage மற்றும் அடிப்படை Brand Kit வசதி வழங்கப்படுகிறது.
செப்.16 முதல் சலுகை தொடக்கம்
இந்த Jio–Canva சலுகை செப்டம்பர் 16, 2026 முதல் தகுதியான பயனர்களுக்கு வழங்கத் தொடங்கியுள்ளது. குறிப்பாக சமூக வலைதள பதிவுகள், வீடியோ thumbnails, presentations மற்றும் marketing content உருவாக்குபவர்களுக்கு Canva-வின் பிரீமியம் கருவிகளைப் பயன்படுத்துவதற்கான வாய்ப்பாக இது அமைந்துள்ளது.
ஐபோன் பயனர்களுக்கு தீபாவளிப் பரிசு: ‘iOS 27’ சாஃப்ட்வேர் அப்டேட் இன்று இரவு வெளியீடு!