பிரபல தென்னிந்திய நடிகர் சரத்பாபு காலமானார். அவருக்கு வயது 71.
தென்னிந்தியாவில் புகழ்பெற்ற நடிகராக வலம் வந்தவர் நடிகர் சரத்பாபு. இவர் 1971 ஆம் ஆண்டு மறைந்த இயக்குனர் பாலச்சந்தர் அவர்களின் ‘பட்டினப்பிரவேசம்’ என்ற படத்தின் மூலம் திரை உலகிற்கு அறிமுகமானவர்.
இவர் நிழல் நிஜமாகிறது, உதரிப்புக்கள், நெஞ்சத்தைக் கிள்ளாதே, முள்ளும் மலரும்,நினைத்தாலே இனிக்கும், நெற்றிக்கண், ஆளவந்தான்,பாபா, அண்ணாமலை, முத்து உள்ளிட்ட 200 படங்களுக்கு மேல் நடித்துள்ளார் தமிழில் மட்டுமே 40 படங்களுக்கு மேல் நடித்துள்ளார்.
இவர் தமிழில் மட்டுமின்றி தெலுங்கு, ஹிந்தி, கன்னடம், மலையாளம் போன்ற மொழிகளில் நடித்துள்ளார்.
இவர் சிவாஜி கணேசன் ரஜினிகாந்த் சிரஞ்சீவி, கமல்ஹாசன் ஆகியோருடன் இணைந்து நடித்துள்ளார்.
இந்நிலையில் 71 வயதைக் கடந்த இவர் சில வாரங்களுக்கு முன்பே கல்லீரல் சம்பந்தப்பட்ட பிரச்சனையால் உடல்நிலை சரியில்லாமல் பெங்களூரில் உள்ள மருத்துவமனையில் சேர்க்கப்பட்டிருந்தார். அதன் பிறகு உடல் நலம் தேறிய இவர் வீட்டில் ஓய்வெடுத்து வந்தார். மீண்டும் உடல்நிலை சரியில்லாத காரணத்தால் ஹைதராபாத்தில் உள்ள மருத்துவமனையில் சிகிச்சை பெற்று வந்த இவர் தற்போது சிகிச்சை பலனின்றி உயிரிழந்தார். இவரின் மறைவு சினிமா வட்டாரத்தில் அதிர்ச்சியை ஏற்படுத்தியுள்ளது.
நடிகர் சரத்பாபுவின் மறைவிற்கு திரைத்துறையினர் அனைவரும் இரங்கல் தெரிவித்து வருகின்றனர்.