ஜாக்சன் துரை 2 படத்தின் சிபிராஜ் ஃபர்ஸ்ட் லுக் வெளியாகி உள்ளது.
கடந்த 2016 ஆம் ஆண்டில் சத்யராஜ், சிபிராஜ், பிந்து மாதவி உள்ளிட்டோரின் நடிப்பில் வெளியான திரைப்படம் ஜாக்சன் துரை. தரணிதரன் இயக்கியிருந்த இந்த படத்தின் இரண்டாம் பாகம் தற்போது தயாராகி வருகிறது.
ஸ்ரீ கிரீன் ப்ரொடக்ஷன்ஸ் நிறுவனம் மற்றும் ஐ ட்ரீம் ஸ்டுடியோஸ் நிறுவனம் இணைந்து படத்தை தயாரிக்க தரணிதரனே இந்த படத்தையும் இயக்குகியுள்ளார். இதில் சத்யராஜ், சிபிராஜ், சம்யுக்தா உள்ளிட்டோர் முக்கிய கதாபாத்திரங்களில் நடித்துள்ளனர். சித்தார்த் விபின் படத்திற்கு இசையமைத்துள்ளார்.
இன்று காலையில் ஜாக்சன் துரை படத்தின் சத்யராஜ் பர்ஸ்ட் லுக் வெளியானது. அதில் சத்யராஜ் பிரிட்டிஷ்காரர் கெட்டப்பில் இருந்தார். மேலும் சுதந்திரத்திற்கு முன்புள்ள காலகட்டத்தில் நடப்பது போன்று அந்த போஸ்டரின் காட்சிகள் அமைந்திருந்தது.ஜாக்சன் துரை இரண்டாம் அத்தியாயம் என்ற தலைப்பிடப்பட்டுள்ள இந்த படம் சத்யராஜின் 250 வது படமாகும்.
தற்போது சிபிராஜின் ஃபர்ஸ்ட் லுக் வெளியாகி உள்ளது. இதில் சிபிராஜ் குதிரையின் மேல் கம்பீரமாக இருப்பது போன்று காட்சி அமைக்கப்பட்டுள்ளது. இந்த போஸ்டர் தற்போது வைரல் ஆகி வருகிறது. மேலும் இந்த படம் விரைவில் வெளியாக இருப்பதாகவும் கூறப்படுகிறது.