அல்லு அர்ஜுன் நடிப்பில் அட்லீ புதிய படம் இயக்க இருப்பதாக தகவல்கள் கசிந்துள்ளது.
பிரபல இயக்குனர் அட்லீ ராஜா ராணி, தெறி, மெர்சல், பிகில் என தமிழ் திரையுலகில் தொடர்ச்சியாக வெற்றி படங்களை கொடுத்தவர். தற்போது பாலிவுட்டிலும் ஷாருக்கான் நடிப்பில் ஜவான் திரைப்படத்தை உருவாக்கியுள்ளார். இந்த படம் கடந்த செப்டம்பர் 7ஆம் தேதி வெளியாகி பாக்ஸ் ஆபிஸில் பட்டையை கிளப்பி வருகிறது.
இதன் பிறகு அட்லீ தளபதி விஜய் உடன் 4வது முறை இணைய இருப்பதாக ஏற்கனவே பல செய்திகள் சமூக வலைதளங்களில் பரவி வருகிறது.
இந்நிலையில் புதிய தகவலாக, இயக்குனர் அட்லீ தனது அடுத்த படத்தை அல்லு அர்ஜுன் நடிப்பில் இயக்க இருப்பதாக தற்போதைய தகவல்கள் தெரிவிக்கின்றன. மேலும் இவர்களின் கூட்டணியில் உருவாகும் இந்த புதிய படத்திற்கு அனிருத் இசை அமைக்க இருப்பதாக கூறப்படுகிறது. ஜவான் படத்தின் ரிலீசுக்கு பிறகு அட்லி சிறிய இடைவெளி எடுத்துக் கொள்ள இருப்பதாக அவரே கூறியிருந்தார். ஆதலால் சிறிய ஓய்வுக்கு பிறகு அவர் இந்த புதிய படத்தை தொடங்குவார் என்று நம்பத் தகுந்த வட்டாரங்கள் தெரிவிக்கின்றன. எனினும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.
அல்லு அர்ஜுன் புஷ்பா 2 படத்தில் நடித்துள்ளார் என்பது குறிப்பிடத்தக்கது.