‘ஸ்டார்’ படத்தின் டப்பிங் பணிகளை நிறைவு செய்த கவின்!

நடிகர் கவின் சரவணன் மீனாட்சி தொடரின் மூலம் ரசிகர்கள் மத்தியில் பிரபலமடைந்து பிக் பாஸ் நிகழ்ச்சியின் மூலம் ஏராளமான ரசிகர்களை சேகரித்து வைத்தார். அதே சமயம் நட்புன்னா என்னன்னு தெரியுமா என்ற படத்தின் மூலம் கதாநாயகனாக அறிமுகமாகி லிஃப்ட், டாடா போன்ற அடுத்தடுத்த வெற்றி படங்களை கொடுத்தார். குறிப்பாக டாடா படத்தின் வெற்றிக்குப் பிறகு கவினுக்கு பட வாய்ப்புகள் குவிந்து வருகின்றன. அதன்படி தற்போது தொடர்ந்து பிஸியாக நடித்து வரும் கவின், பியார் பிரேமா காதல் பட இயக்குனர் இளன் இயக்கத்தில் ஸ்டார் படத்தில் நடித்துள்ளார். இந்த படத்தில் கவின் உடன் இணைந்து ஆதிதி பொஹங்கர், ப்ரீத்தி முகுந்தன், கீதா கைலாசம் உள்ளிட்டோர் நடித்துள்ளனர். இந்த படத்தை ரைஸ் ஈஸ்ட் என்டர்டைன்மென்ட் நிறுவனம் தயாரிக்க யுவன் சங்கர் ராஜா இதற்கு இசையமைத்துள்ளார். எழில் அரசு ஒளிப்பதிவு செய்துள்ளார். ஏற்கனவே படத்தின் முதல் பாடல் வெளியாகி கவனம் பெற்றது. அதைத்தொடர்ந்து படப்பிடிப்பு முழுவதும் நிறைவடைந்ததாக தெரிவிக்கப்பட்டது. இந்நிலையில் ஸ்டார் படத்தின் டப்பிங் பணிகளை நிறைவு செய்துள்ளார் கவின். இது சம்பந்தமான புகைப்படங்கள் தற்போது சமூக வலைதளங்களில் வைரலாகி வருகிறது. மேலும் இந்த படம் 2024 மே மாத ரிலீஸுக்கு தயாராகி வருகிறது என்பது குறிப்பிடத்தக்கது.