கும்கி 2 படத்தின் முக்கிய அறிவிப்பு வெளியாகி உள்ளது.
கடந்த 2012 ஆம் ஆண்டு பிரபு சாலமன் இயக்கத்தில் கும்கி திரைப்படம் வெளியானது. இந்த படத்தில் விக்ரம் பிரபு, லட்சுமி மேனன், தம்பி ராமையா மற்றும் பலர் நடித்திருந்தனர். ஒரு இளைஞனுக்கும், யானைக்கும் இடையிலான பாசப்பிணைப்பை மையமாக வைத்து எடுக்கப்பட்ட இந்த படம் ரசிகர்கள் மத்தியில் பெரும் வரவேற்பை பெற்றது. படத்தில் இடம்பெற்ற பாடல்களும் ரசிகர்களை வெகுவாக கவர்ந்தது. அதன் பிறகு கும்கி 2 திரைப்படம் உருவாகி வருவதாக பேச்சுகள் அடிபட்டாலும் அதிகாரப்பூர்வ அறிவிப்பு வெளியாகவில்லை. இந்நிலையில் நேற்று (செப்டம்பர் 11) கும்கி 2 படத்தின் மோஷன் போஸ்டரை படக்குழு வெளியிட்டு இருந்தது. இந்த போஸ்டர் இணையத்தில் வைரலாகி வந்தது.
Just saw the motion poster of #Kumki2 and it’s magical. I loved Kumki and wishing the same big success for this film too. Congrats @prabu_solomon sir, @jayantilalgada sir and the entire team!#Kumki2MotionPoster #BornAgain@PenMovies @gada_dhaval @mynnasukumar @mathioffl… pic.twitter.com/bwsZQwulTQ
— Silambarasan TR (@SilambarasanTR_) September 11, 2025
இந்நிலையில் படக்குழு மீண்டும் ஒரு புதிய அப்டேட்டை வெளியிட்டு இருக்கிறது. அதன்படி இந்த படத்தின் பர்ஸ்ட் லுக் போஸ்டர் தற்போது வெளியாகி இருக்கிறது. இதற்கிடையில் ‘கும்கி 2’ படத்தில் யார் ஹீரோவாக நடிக்கப் போகிறார்? என்ற எதிர்பார்ப்பு ரசிகர்கள் மத்தியில் இருந்து வந்தது. அந்த வகையில் தற்போது லேட்டஸ்ட் அப்டேட் ஒன்று கிடைத்துள்ளது. அதாவது இந்த படத்தில் நடிகர் அர்ஜுன் தாஸ் ஹீரோவாக நடிக்கப் போகிறார் என்றும் இவருடன் இணைந்து மதி மற்றும் ஸ்ரிதா ராவ் ஆகியோர் நடிக்கப் போகிறார்கள் என்றும் சொல்லப்படுகிறது.
பல வருடங்களுக்கு பிறகு ‘கும்கி 2’ படம் தொடர்பான அறிவிப்பு வெளியானது ரசிகர்கள் மத்தியில் எதிர்பார்ப்பை அதிகப்படுத்தி உள்ளது. மேலும் இயக்குனர் பிரபு சாலமன் ‘கும்கி’ முதல் பாகத்தில் நிகழ்த்திய மேஜிக்கை இரண்டாம் பாகத்திலும் நிகழ்த்துவார் என்று நம்பப்படுகிறது. அடுத்தது இந்த படத்திற்கு சுகுமார் ஒளிப்பதிவு செய்ய நிவாஸ் கே. பிரசன்னா இசையமைக்கிறார் என்பது குறிப்பிடத்தக்கது.