ஏஸ் படத்திலிருந்து இரண்டாவது பாடல் வெளியாகியுள்ளது.
தமிழ் சினிமாவில் முக்கியமான நடிகர்களில் ஒருவராக வலம் வரும் விஜய் சேதுபதி தற்போது ட்ரெயின், காந்தி டாக்ஸ், தலைவன் தலைவி என பல படங்களை கைவசம் வைத்துள்ளார். இதற்கிடையில் இவர், ஒரு நல்ல நாள் பாத்து சொல்றேன் படத்தின் இயக்குனர் ஆறுமுக குமார் இயக்கத்தில் தனது 51வது திரைப்படத்தில் நடித்து முடித்துள்ளார். இந்த படத்திற்கு ஏஸ் என்று தலைப்பு வைக்கப்பட்டுள்ளது. இதில் விஜய் சேதுபதி பல கெட்டப்புகளில் நடிக்க இவருடன் இணைந்து ருக்மிணி வசந்த், யோகி பாபு, பப்லு பிரித்விராஜ் மற்றும் பலர் நடித்துள்ளனர். 7CS என்டர்டெயின்மென்ட் நிறுவனம் இந்த படத்தை தயாரிக்க ஜஸ்டின் பிரபாகரன் இதற்கு இசையமைத்துள்ளார். ஏற்கனவே இந்த படத்தின் படப்பிடிப்புகள் நிறைவடைந்த நிலையில் படமானது வருகின்ற மே 23ஆம் தேதி திரைக்கு வர தயாராகி வருகிறது. இதற்கிடையில் இந்த படத்தில் இருந்து அடுத்தடுத்த போஸ்டர்களும், முதல் பாடலும், ட்ரெய்லரும் வெளியாகி ரசிகர்களை வெகுவாக கவர்ந்தது.
இந்த நிலையில் இந்த படத்தில் இருந்து ‘ACE Anthem’ எனும் இரண்டாவது பாடல் வெளியாகி இணையத்தில் வைரலாகி வருகிறது. ராட்டி ஆதித்தன் இந்த பாடல்வரிகளை எழுதியுள்ள நிலையில் ராட்டி ஆதித்தனுடன் இணைந்து ஜஸ்டின் பிரபாகரன், Mc விக்கி ஆகியோர் இப்பாடலை பாடியுள்ளனர் என்பது குறிப்பிடத்தக்கது.