சினிமா பற்றி சினிமா எடுத்தால் ஓடும்… நடிகர் கவின் நம்பிக்கை….

சின்னத்திரையில் மெகா தொடர்களிலும், நிகழ்ச்சிகளிலும் பங்கேற்று பின்னர் வெள்ளித்திரைக்கு வந்து ஜொலித்துக் கொண்டிருப்பவர் நடிகர் கவின். அண்மையில் கவின் நடிப்பில் வௌியான டாடா திரைப்படம் ரசிகர்களிடையே பெரும் வரவேற்பை பெற்றது. இதில் கவினின் நடிப்பு பாராட்டப்பட்டது. இந்தப் படத்தை தொடர்ந்து நடிகர் கவின் ஸ்டார் திரைப்படத்தில் நடித்து வருகிறார். இப்படத்தின் படப்பிடிப்பு முடிவடைந்து பின்னணி வேலைகள் விறுவிறுப்பாக நடைபெற்று வருகின்றனர். இப்படத்தை பியார் பிரேமா காதல் படத்தை இயக்கிய இளன் இயக்குகிறார்.

அடுத்ததாக கவின் நடிக்கும் புதிய படத்தின் பணிகள் பூஜையுடன் கடந்த மே மாதம் தொடங்கியது. சென்னை மற்றும் சுற்றுவட்டாரப் பகுதிகளில் இப்படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தை பிரபல நடன இயக்குநர் சதீஷ் இயக்குகிறார். அயோத்தி படம் மூலம் கவனம் ஈர்த்த நடிகை ப்ரீத்தி அஸ்ரானி இப்படத்தில் நாயகியாக நடிக்கிறார்.

இந்நிலையில், ஸ்டார் திரைப்படம் வரும் மே மாதம் 10-ம் தேதி திரையரங்குகளில் வெளியாகிறது. இதையொட்டி செய்தியாளர் சந்திப்பு நடைபெற்றது. இந்நிலையில், அப்போது படம் குறித்து பேசிய கவின், சினிமாவை வைத்து சினிமா படம் எடுத்தாலல் ஓடாது என சொல்வார்கள், இது எந்த அளவு உண்மையென தெரியவில்லை, படமும், கதையும் நன்றாக இருந்தால் நிச்சயம் படம் வெற்றி பெறும் என தெரிவித்தார்.