நீண்ட வருடங்களுக்கு பிறகு சூப்பர் ஹிட் கொடுத்த பிரசாந்த்….. வசூலை அள்ளும் ‘அந்தகன்’!

நடிகர் பிரசாந்த் பல வருடங்களுக்கு முன்பாக பல வெற்றி படங்களை தந்து பல்வேறு ரசிகர்களின் ஃபேவரைட் ஹீரோவாக வலம் வந்தவர். அதன் பின்னர் இவர் நடித்த சில படங்கள் எதிர்பார்த்த வெற்றியை தரவில்லை. இந்நிலையில் 22 வருடங்கள் கழித்து அந்தகன் எனும் திரைப்படத்தின் மூலம் சூப்பர் ஹிட் கொடுத்துள்ளார் பிரசாந்த். அதாவது பாலிவுட்டில் வெளியான அந்தாதுன் என்ற திரைப்படத்தின் தமிழ் ரீமேக் தான் அந்தகன். கிரைம் திரில்லர் கதைக்களத்தில் உருவாகி இருக்கும் இந்த படத்தில் பிரசாந்த், சிம்ரன், பிரியா ஆனந்த், சமுத்திரக்கனி, கார்த்திக், யோகி பாபு, கே எஸ் ரவிக்குமார் உள்ளிட்ட பலர் நடித்துள்ளனர். படத்தை தியாகராஜன் இயக்கியிருக்கிறார். சந்தோஷ் நாராயணன் படத்திற்கு இசையமைத்திருக்கிறார். இந்த படம் கடந்த ஆகஸ்ட் 2ஆம் தேதி உலகம் முழுவதும் வெளியிடப்பட்டு ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்று வருகிறது. அதன்படி மிகுந்த எதிர்பார்ப்புகளுடன் வெளியான இந்த படம் முதல் நாளில் 65 லட்சம் வரை வசூல் செய்ததாக தகவல் வெளியானது. தொடர்ந்து இந்த படத்திற்கு கடைக்கு வரும் ரசிகர்களின் ஆதரவு நாளுக்கு நாள் அதிகரித்துக் கொண்டே செல்வதால் ஐந்து நாட்களில் இந்த படம் 4.25 கொடுக்கும் அதிகமாக வசூல் செய்துள்ளது என புதிய அப்டேட் வெளிவந்துள்ளது. இருப்பினும் இது தொடர்பான அதிகாரப்பூர் அறிவிப்பு இனிவரும் நாட்களை வெளியாகும் என்று நம்பப்படுகிறது.