வேஷ்டி சட்டையில் அசத்தும் அஜித்…. ‘விடாமுயற்சி’ படத்தில் இணைந்த புதிய பிரபலம்!

விடாமுயற்சி படத்தின் லேட்டஸ்ட் அப்டேட் வெளியாகியுள்ளது.

தல என்று ரசிகர்களால் கொண்டாடப்படும் அஜித் நடிப்பில் தற்போது உருவாகி வரும் திரைப்படம் தான் விடாமுயற்சி. இந்த படத்தினை மகிழ் திருமேனி இயக்க லைக்கா நிறுவனம் இந்த படத்தை தயாரிக்கிறது. இந்த படத்தில் அஜித்துக்கு ஜோடியாக திரிஷாவும் வில்லனாக அர்ஜுனும் நடித்து வருகிறார்கள். மேலும் ரெஜினா, ஆரவ் ஆகியோர் முக்கிய கதாபாத்திரங்களில் நடித்து வருகின்றனர். இந்த படத்திற்கு அனிருத் இசை அமைக்க ஓம் பிரகாஷ் ஒளிப்பதிவு பணிகளை கவனிக்கிறார். அஜித்தின் துணிவு திரைப்படம் வெளியாகி ஓராண்டுக்கு மேலாகியுள்ள நிலையில் நடிகர் அஜித்தை மீண்டும் திரையில் காண ரசிகர்கள் பலரும் ஆவலுடன் காத்துக்கொண்டிருக்கின்றனர். அதன்படி விடாமுயற்சி திரைப்படம் அடுத்த ஆண்டு பொங்கல் தினத்தை முன்னிட்டு திரைக்கு வர இருக்கிறது. இதற்கிடையில் இந்த படத்தில் இருந்து டீசரும் அடுத்தடுத்த போஸ்டர்களும் வெளியாகி ரசிகர்களை கவர்ந்து வருகிறது. மேலும் இந்த படத்தின் இறுதி கட்டப் படப்பிடிப்பும் மிகத் தீவிரமாக நடைபெற்று வருகின்றன. இந்நிலையில் விடாமுயற்சி திரைப்படத்தில் விஜே ரம்யா இணைந்திருப்பதாக படக்குழு புதிய புகைப்படம் ஒன்றை வெளியிட்டு அதிகாரப்பூர்வமாக அறிவித்துள்ளது.

Actress @actorramya is on board for VIDAAMUYARCHI 🔥 Gear up to witness her elegance on screen. 🤩#Vidaamuyarchi From Pongal 2025 #EffortsNeverFail#AjithKumar #MagizhThirumeni @LycaProductions #Subaskaran @gkmtamilkumaran @trishtrashers @akarjunofficial @anirudhofficial… pic.twitter.com/wBtaLyJLym

— Lyca Productions (@LycaProductions) December 20, 2024

இந்த புகைப்படத்தில் ரம்யாவுடன் நடிகர் அஜித், பாரம்பரிய உடையான வெள்ளை வேஷ்டி சட்டையில் காணப்படுகிறார். நீண்ட நாட்களுக்கு பிறகு அஜித்தை வேஷ்டி சட்டையில் பார்த்த ரசிகர்கள் இந்த புகைப்படங்களை சமூக வலைதளங்களில் அதிகம் பகிர்ந்து வைரலாகி வருகின்றனர். கடந்த சில தினங்களுக்கு முன்னர் தான் நடிகர் அஜித், இந்தியன் ஜேம்ஸ் பாண்ட் போல் ஸ்டைலிஷாக இருக்கும் புகைப்படங்கள் இணையத்தில் வைரலாகி வந்தது குறிப்பிடத்தக்கது.