அல்லு அர்ஜுன், சுகுமார் கூட்டணியில் வெளியான ஆர்யா 1 , ஆர்யா 2 ஆகிய படங்கள் மிகப்பெரிய வெற்றி பெற்ற நிலையில் மீண்டும் இந்த கூட்டணி கடந்த 2021 ஆம் ஆண்டு வெளியான புஷ்பா தி ரைஸ் எனும் திரைப்படத்தில் இணைந்திருந்தது. இந்த படமும் இந்திய அளவில் பிரபலமாகி படத்தில் இடம்பெற்ற பாடல்களும் பட்டி தொட்டி எங்கும் ட்ரெண்டானது.
இந்நிலையில் இந்த படத்தின் இரண்டாம் பாகம் புஷ்பா 2- தி ரூல் என்ற தலைப்பில் உருவாகி உள்ளது. இதில் அல்லு அர்ஜுனுக்கு ஜோடியாக ராஷ்மிகா மந்தனாவும் படத்தின் வில்லனாக பகத் பாசிலும் நடித்திருக்கின்றனர். இந்த படத்தை மைத்ரி மூவி மேக்கர்ஸ் நிறுவனம் தயாரிக்க தேவி ஸ்ரீ பிரசாத் இதற்கு இசையமைக்கிறார். வருகின்ற டிசம்பர் மாதம் 5ஆம் தேதி இந்த படம் உலகம் முழுவதும் திரையிடப்பட உள்ளது. அதற்கான முழு ஏற்பாடுகளும் நடைபெற்ற வருகின்றன. அந்த வகையில் இந்த படத்தின் ப்ரோமோஷன் பணிகள் தமிழ்நாடு, கேரளா உள்ளிட்ட பல பகுதிகளில் விறுவிறுப்பாக நடைபெற்று வருகிறது. அப்போது ப்ரோமோஷன் நிகழ்ச்சிகள் கலந்து கொண்ட அல்லு அர்ஜுன், பகத் பாசில் குறித்து பேசி உள்ளார்.
அவர் பேசியதாவது, “புஷ்பா படத்தின் மீது கொண்ட காதலுக்காகவும் இயக்குனர் சுகுமார் மீது கொண்ட அன்புக்காகவும் தான் பகத் பாசில் புஷ்பா படத்தில் வில்லனாக நடிக்க ஒப்புக்கொண்டார். என் அன்பு சகோதரர் பகத் பாசிலுக்கு நன்றி. டிசம்பர் 5ஆம் தேதி அவர் ஒரு அற்புதமான நடிகர் என்பதை நீங்கள் அனைவரும் பார்ப்பீர்கள்” என்று தெரிவித்துள்ளார்.
மேலும் சமீபத்தில் புஷ்பா 2 படத்தின் டிரைலர் வெளியாகி எதிர்பார்ப்பை மேன்மேலும் அதிகப்படுத்தி உள்ளது என்பது குறிப்பிடத்தக்கது.


