அனுபமா பரமேஸ்வரன் நடிக்கும் லாக் டவுன் படத்தின் ரிலீஸ் தேதி அறிவிக்கப்பட்டுள்ளது.
மலையாள சினிமாவில் நிவின் பாலி நடிப்பில் வெளியான ‘பிரேமம்’ திரைப்படத்தின் மூலம் தமிழ் ரசிகர்களையும் கவர்ந்தவர் அனுபமா பரமேஸ்வரன். இவர் தமிழில் கொடி, சைரன், டிராகன் ஆகிய படங்களில் நடித்துள்ளார். கடைசியாக துருவ் விக்ரம் நடிப்பில் மாரி செல்வராஜ் இயக்கத்தில் வெளியான ‘பைசன்’ திரைப்படத்தில் கதாநாயகியாக நடித்திருந்தார். இதற்கிடையில் இவர், கதாநாயகிக்கு முக்கியத்துவம் வாய்ந்த கதைகளையும் தேர்ந்தெடுத்து நடித்து வருகிறார். அந்த வகையில் லாக் டவுன் எனும் திரைப்படத்தில் நடித்திருக்கிறார் அனுபமா பரமேஸ்வரன். இந்த படத்தை லைக்கா ப்ரோடக்ஷன்ஸ் நிறுவனம் தயாரிக்க ஏ.ஆர். ஜீவா இயக்கியிருக்கிறார். இதில் அனுபமா பரமேஸ்வரனுடன் இணைந்து சார்லி, நிரோஷா, பிரியா வெங்கட், லிவிங்ஸ்டன், இந்துமதி, லொள்ளு சபா மாறன், விநாயக் ராஜ் மற்றும் பலர் நடித்துள்ளனர். என்.ஆர். ரகுநந்தன் மற்றும் சித்தார்த் விபின் ஆகியோர் இணைந்து இந்த படத்தின் இசையமைப்பாளர்களாகவும், கே.ஏ. சக்திவேல் இதன் ஒளிப்பதிவாளராகவும் பணியாற்றியுள்ளனர். இந்த படமானது கொரோனா ஊரடங்கு நேரத்தில் ஒரு நபர் அனுபவிக்கும் துயரங்களை மையமாக வைத்து எடுக்கப்பட்டிருக்கிறது. 
இந்த படத்தின் மீதான எதிர்பார்ப்பு ஏற்கனவே அதிகமாக இருந்த நிலையில் படத்திலிருந்து அடுத்தடுத்த போஸ்டர்களும், பாடல்களும், டீசரும் வெளியானது. அதே சமயம் இந்த படம் 2024 ஜூன் மாதம் திரைக்கு வரும் என அறிவிக்கப்பட்டது. ஆனால் ஒரு சில தவிர்க்க முடியாத காரணங்களால் தள்ளிப்போன இந்த படம் வருகின்ற டிசம்பர் 5ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.