வித்தைக்காரன் படத்திலிருந்து முதல் பாடல் வெளியானது

சதீஸ் நாயகனாக நடித்துள்ள வித்தைக்காரன் திரைப்படத்திலிருந்து முதல் பாடலை படக்குழு வௌியிட்டது.

நகைச்சுவை நடிகர் தற்போது வித்தைக்காரன் எனும் திரைப்படத்தில் கதாநாயகனாக நடித்துள்ளார். இயக்குனர் லோகேஷ் கனகராஜிடம் இணை இயக்குனராக பணிபுரிந்த வெங்கி இந்த படத்தை எழுதி இயக்கியுள்ளார். ஒயிட் கார்பெட் பிலிம்ஸ் நிறுவனத்தின் கீழ் கே விஜய் பாண்டி படத்தை தயாரித்துள்ளார். விபிஆர் இசை அமைத்துள்ளார்.

இந்த படத்தில் சதீஷ்க்கு கதாநாயகியாக சிம்ரன் குப்தா நடித்துள்ளார். மேலும் இப்படத்தில் ரமேஷ் திலக், ஆனந்தராஜ், தங்கதுரை, ஜான் விஜய் உள்ளிட்டோரும் நடித்துள்ளனர்.வித்தை காரன் திரைப்படத்தின் மோஷன் போஸ்டர் சில நாட்களுக்கு முன்பாக வெளியாகி ரசிகர்களிடையே நல்ல வரவேற்பு பெற்றது. மேலும் சமீபத்தில் படத்தின் டீசர் வெளியாகி கவனம் ஈர்த்தது. இந்த படத்தில் சதீஷ் மெஜிசியனாக நடித்துள்ளார்.

இந்நிலையில், வித்தைக்காரன் படத்திலிருந்து முதல் பாடல் வெளியாகி இருக்கிறது. ஆர்யா, விஷால் உள்ளிட்ட முன்னணி நடிகர்கள் இணைந்து இப்பாடலை வெளியிட்டு உள்ளனர். இந்த பாடல் சமூக வலைதளங்களில் வேகமாக பரவி வருகிறது.