‘காஞ்சனா 4’ படத்தின் கதாநாயகி இவரா?…. வெளியான புதிய தகவல்!

ராகவா லாரன்ஸ் தமிழ் சினிமாவில் நடிகராக மட்டுமல்லாமல் தயாரிப்பாளராகவும் இயக்குனராகவும் நடன இயக்குனராகவும் வலம் வருகிறார். அந்த வகையில் ஏராளமான ரசிகர்களை சேகரித்து வைத்திருக்கும் ராகவா லாரன்ஸ், மாற்றுத்திறனாளிகளுக்கும், விவசாயிகளுக்கும் தன்னால் இயன்ற உதவியை செய்து பல்வேறு தரப்பினரிடையே பாராட்டுகளை பெற்று வருகிறார். இந்நிலையில்தான் கடந்த ஜூன் மாதம் ராகவா லாரன்ஸ் இயக்க உள்ள காஞ்சனா 4 படம் தொடர்பான அதிகாரப்பூர்வ அறிவிப்பு வெளியானது. அதன்படி காஞ்சனா 4 திரைப்படத்தின் படப்பிடிப்பு 2024 செப்டம்பர் மாதத்தில் தொடங்கும் என அறிவிக்கப்பட்டிருந்தது. ஏற்கனவே ராகவா லாரன்ஸ் இயக்கத்தில் வெளியான முனி, காஞ்சனா, காஞ்சனா 2, காஞ்சனா 3 போன்ற காமெடி கலந்த ஹாரர் திரில்லர் படங்கள் ரசிகர்களை வெகுவாக கவர்ந்திருக்கும் நிலையில் காஞ்சனா 4 படத்தின் மீதான எதிர்பார்ப்பும் அதிகமாக இருந்து வருகிறது. மேலும் காஞ்சனா 4 படத்தில் சீதாராமம் படத்தில் நடித்திருந்த மிர்ணாள் தாகூர் நடிக்கப் போவதாக சமூக வலைதளங்களில் செய்திகள் பரவி வந்தது. ஆனால் ராகவா லாரன்ஸ் இதற்கு மறுப்பு தெரிவித்திருந்தார். இந்நிலையில் இதன் லேட்டஸ்ட் அப்டேட் என்னவென்றால், காஞ்சனா 4 படத்தில் நடிகை பூஜா ஹெக்டே நடிக்க உள்ளதாக தற்போதைய தகவல்கள் தெரிவிக்கின்றன. விரைவில் அதிகாரப்பூர்வ அறிவிப்பு வெளியாகும் எனவும் சொல்லப்படுகிறது. இருப்பினும் யார் இந்த படத்தில் கதாநாயகியாக நடிக்கப் போகிறார் என்பதை பொறுத்திருந்துதான் பார்க்க வேண்டும்.