ஜனநாயகன் படத்தின் லேட்டஸ்ட் அப்டேட் வெளியாகி உள்ளது.
விஜயின் 69 ஆவது படமாக உருவாகி வரும் திரைப்படம் தான் ஜனநாயகன். இந்த படத்தை தீரன் அதிகாரம் ஒன்று, துணிவு ஆகிய வெற்றி படங்களை இயக்கிய ஹெச். வினோத் இயக்குகிறார். கே வி என் ப்ரொடக்ஷன்ஸ் நிறுவனம் இந்த படத்தை தயாரிக்கிறது. அனிருத் இதற்கு இசையமைக்க சத்யன் சூரியன் இதன் ஒளிப்பதிவு பணிகளை கவனிக்கிறார். இந்த படமானது அரசியல் சம்பந்தமான கதைக்களத்தில் உருவாகி வருவதாக சொல்லப்படுகிறது. அதன்படி ஏற்கனவே இந்த படத்தின் படப்பிடிப்புகள் தொடங்கி பரபரப்பாக நடைபெற்று வருகிறது. இன்னும் மூன்று வாரங்களுக்குள் இப்படத்தின் படப்பிடிப்பு நிறைவடைந்து விடும் என சொல்லப்படுகிறது. இதற்கிடையில் ரசிகர்களை உற்சாகப்படுத்தும் விதமாக இப்படத்தில் இருந்து அடுத்தடுத்த போஸ்டர்களும் வெளியிடப்பட்டது. மேலும் 2026 பொங்கல் தினத்தில் இப்படம் திரைக்கு வரும் எனவும் அறிவிக்கப்பட்டிருக்கிறது. ஏற்கனவே விஜயின் கடைசி படம் இது என்பதால் இப்படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. ஆகையினால் படத்திலிருந்து வெளியாகும் ஒவ்வொரு அப்டேட்டுகளையும் கொண்டாடி தீர்க்க ரசிகர்கள் மிகுந்த ஆர்வத்துடன் காத்துக்கொண்டிருக்கின்றனர்.
அந்த வகையில் இப்படத்தின் முதல் பாடல் 2025 ஜூன் மாதம் விஜயின் பிறந்த நாளை முன்னிட்டு ரிலீஸ் ஆகும் என சமீபத்தில் பல தகவல்கள் வெளியானது. இதற்கிடையில் வருகின்ற ஏப்ரல் 14 தமிழர் புத்தாண்டு தினத்தை முன்னிட்டு இந்த படத்திலிருந்து புதிய போஸ்டர் வெளியாகும் எனவும் அந்த போஸ்டரில் விஜய் புதிய லுக்கில் காணப்படுவார் எனவும் தற்போதைய தகவல்கள் தெரிவிக்கின்றன. ஏற்கனவே வெளியான போஸ்டரில் நான் ஆணையிட்டால் என்று குறிப்பிடப்பட்டிருந்த நிலையில் அடுத்த போஸ்டரில் எந்த மாதிரியான வரிகள் இடம் பெற்று இருக்கும் என்ற எதிர்பார்ப்பும், விஜய் எந்த மாதிரியான ஸ்டைலில் இருப்பார் என்று எதிர்பார்ப்பும் இருந்து வருகிறது. மேலும் இந்த தகவல் ரசிகர்களுக்கு இன்ப அதிர்ச்சியை தந்துள்ளது.