ஜப்பான் படத்தின் இசை வெளியீட்டு விழா குறித்த அப்டேட் வெளியாகி உள்ளது.
பொன்னியின் செல்வன் படத்தின் மாபெரும் வெற்றிக்கு பிறகு கார்த்தி பல படங்களில் பிசியாக நடித்து வருகிறார். அந்த வகையில் கார்த்தி, ராஜு முருகன் இயக்கத்தில் ஜப்பான் திரைப்படத்தில் நடித்துள்ளார். கார்த்தியின் 25வது படமான இந்த படத்தை ட்ரீம் வாரியார் பிக்சர்ஸ் நிறுவனம் தயாரித்துள்ளது ஜிவி பிரகாஷ் இதற்கு இசையமைத்துள்ளார். இதில் கார்த்திக்கு ஜோடியாக அனு இமானுவேல் நடித்துள்ளார். மேலும் விஜய் மில்டன், சுனில் மற்றும் பலர் நடித்துள்ளனர்.மேலும் இந்த படத்தில் கார்த்தி இரட்டை வேடங்களில் நடித்துள்ளதாகவும் கூறப்படுகிறது. ஹெய்ஸ்ட் திரில்லர் கதைக்களத்தில் உருவாகியுள்ள இந்தப் படமானது வருகின்ற தீபாவளியை முன்னிட்டு வெளியாக இருக்கிறது. 
இப்படத்தின் முன்னோட்டம் வெளியாகி படத்தின் மீதான எதிர்பார்ப்பை அதிகப்படுத்தியது. ஜப்பான் படத்தின் படப்பிடிப்புகள் முழுவதும் நிறைவடைந்த நிலையில் டப்பிங் பணிகள் தொடங்கி இருப்பதாக சமீபத்தில் படக்குழுவினர் அறிவித்திருந்தனர். இந்நிலையில் இந்த படத்தின் இசை வெளியீட்டு விழாவை வருகின்ற அக்டோபர் 28ஆம் தேதி சென்னை நேரு அரங்கத்தில் நடத்த படக்குழுவினர் திட்டமிட்டுள்ளதாக தெரியவந்துள்ளது. எனினும் இது சம்பந்தமான அறிவிப்பு விரைவில் வெளியாகலாம் என்று எதிர்பார்க்கப்படுகிறது.