திரையரங்குகளில் வெளியாகி ரசிகர்களிடம் கவனம் பெற்ற பல திரைப்படங்கள் மற்றும் வெப் தொடர்கள் இன்று செப்டம்பர் 11-ம் தேதி ஓடிடி தளங்களில் வெளியாகின்றன. குறிப்பாக சூர்யா, விஷால், பரத் ஆகியோரின் படங்கள் ஒரே நாளில் டிஜிட்டல் தளத்தில் வெளியாக இருப்பது சினிமா ரசிகர்களுக்கு முக்கியமான செய்தியாக அமைந்துள்ளது.
சூர்யாவின் ‘விஸ்வநாத் & சன்ஸ்’
சூர்யா மற்றும் மமிதா பைஜு நடிப்பில் உருவான ‘விஸ்வநாத் & சன்ஸ்’ திரைப்படம் இன்று Netflix ஓடிடி தளத்தில் வெளியாகிறது.
வெங்கி அட்லூரி இயக்கியுள்ள இந்தப் படத்தில் குடும்ப உறவுகள், காதல், உணர்வுகள் மற்றும் நகைச்சுவை ஆகியவை முக்கிய அம்சங்களாக இடம்பெற்றுள்ளன. இப்படம் தமிழ், தெலுங்கு உள்ளிட்ட பல மொழிகளில் ஸ்ட்ரீமிங் செய்யப்படுகிறது.
விஷாலின் ‘மகுடம்’
நடிகர் விஷால் முதல் முறையாக இயக்குநராக களமிறங்கிய ‘மகுடம்’ திரைப்படமும் இன்று Prime Video தளத்தில் வெளியாகிறது.
விஷால் இரட்டை கதாபாத்திரங்களில் நடித்துள்ள இந்த ஆக்ஷன் திரில்லர் திரைப்படத்தில் துஷாரா விஜயன், அஞ்சலி உள்ளிட்டோர் முக்கிய கதாபாத்திரங்களில் நடித்துள்ளனர். தந்தை – மகன் உறவை மையமாகக் கொண்டு பழிவாங்கும் கதைக்களத்தில் படம் உருவாகியுள்ளது.
பரத்தின் ‘பஞ்சநாமா’
நடிகர் பரத் நடித்துள்ள ‘பஞ்சநாமா’ என்ற தெலுங்கு மிஸ்ட்ரி திரில்லர் தொடரும் இன்று ZEE5 தளத்தில் வெளியாகிறது.
சந்தேகத்திற்கிடமான மரணம் ஒன்றை காவல்துறை அதிகாரி விசாரிப்பதை மையமாகக் கொண்டு இந்த இன்வெஸ்டிகேட்டிவ் திரில்லர் உருவாகியுள்ளது. பரத் முக்கிய கதாபாத்திரத்தில் நடித்துள்ளார்.
மேலும் இன்று வெளியாகும் படங்கள் மற்றும் தொடர்கள்
• ‘வரவு’ – ZEE5
• ‘Prince of Mollywood’ – JioHotstar
• ‘Veerabhadruni Rahasyam’ – ZEE5
இதனால் இன்று ஓடிடி ரசிகர்களுக்கு தமிழ், தெலுங்கு மற்றும் மலையாள மொழிகளில் பல புதிய படங்கள் மற்றும் தொடர்களை பார்க்கும் வாய்ப்பு கிடைத்துள்ளது.
சூர்யாவின் ‘விஸ்வநாத் & சன்ஸ்’, விஷாலின் ‘மகுடம்’ மற்றும் பரத்தின் ‘பஞ்சநாமா’ ஆகிய மூன்று படைப்புகளும் ஒரே நாளில் ஓடிடியில் வெளியாகியிருப்பதால், இந்த வார இறுதி சினிமா ரசிகர்களுக்கு விருந்தாக அமைய உள்ளது.
‘மண்டாடி’ திரை விமர்சனம்: கடல் அலைகளுக்கு நடுவே மிரட்டும் சூரி – சுஹாஸ் மோதல்!