மிஸ்டர் பாரத் படத்தின் ரிலீஸ் குறித்த அப்டேட் வெளியாகியுள்ளது.
பிரபல யூடியூபர் பாரத் தனக்கென ஏராளமான ரசிகர்களை சேகரித்து வைத்துள்ளார். இவர் தற்போது வெள்ளித்திரையிலும் என்ட்ரி கொடுத்து அடுத்தடுத்த படங்களில் நடித்து வருகிறார். அந்த வகையில் சமீபத்தில் இவரது நடிப்பில் உருவாகும் ‘நிஞ்சா’ படத்தின் பூஜை சிறப்பாக நடந்து முடிந்தது. அதற்கு முன்னதாக இவர், மிஸ்டர் பாரத் எனும் திரைப்படத்தில் நடிப்பதற்கு ஒப்பந்தமானார். இந்த படத்தை தமிழ் சினிமாவின் ட்ரெண்டிங் இயக்குனராக வலம் வரும் லோகேஷ் கனகராஜ் தனது ஜி ஸ்குவாட் நிறுவனத்தின் மூலம் தயாரிக்கிறார். 
இவருடன் இணைந்து பேஷன் ஸ்டுடியோஸ் நிறுவனமும், தி ரூட் நிறுவனமும் இப்படத்தை தயாரிக்கிறது. இந்தப் படத்தை நிரஞ்சன் இயக்க ஓம் நாராயண் ஒளிப்பதிவு பணிகளை கவனிக்கிறார். பிரணவ் முனிராஜ் இதற்கு இசையமைக்கிறார். இந்த படத்தில் பாரத் உடன் இணைந்து சம்யுக்தா விஸ்வநாதன், பால சரவணன், லிங்கா ஆகியோர் முக்கிய கதாபாத்திரங்களில் நடிக்கின்றனர். ஏற்கனவே இந்த படத்தின் படப்பிடிப்புகள் தொடங்கி விறுவிறுப்பாக நடைபெற்று வருகிறது.
Mr. Bharath on the way… but Rita already hijacked the screens. 😎💥#RevolverRita in cinemas, book your tickets!@KeerthyOfficial @Bhaarath_Offl @PassionStudios_ @TheRoute #ThinkMusic pic.twitter.com/KpaWpsPp6m
— Think Music (@thinkmusicindia) November 29, 2025
இந்நிலையில் இந்த படத்தின் ரிலீஸ் குறித்த அப்டேட் கிடைத்துள்ளது. அதன்படி இந்த படமானது 2026 கோடையில் வெளியாகும் என அறிவிக்கப்பட்டுள்ளது. இது தொடர்பாக படக்குழு கலகலப்பான ப்ரோமோ ஒன்றை வெளியிட்டுள்ளது. அந்த ப்ரோமோவில் இடம்பெற்றுள்ள கீர்த்தி சுரேஷ் – பாரத் ஆகிய இருவரின் வேடிக்கையான உரையாடல் ரசிகர்களின் கவனத்தை ஈர்த்து இணையத்தில் வைரலாகி வருகிறது.