சலார் படத்தின் டீசர் ரிலீஸ் தேதி அறிவிக்கப்பட்டுள்ளது.
கே ஜி எஃப் ஒன் மற்றும் கேஜிஎப் 2 உள்ளிட்ட சூப்பர் ஹிட் திரைப்படங்களை இயக்கியவர் பிரசாந்த் நீல்.
இவர் தற்போது பிரபாஸ் நடிப்பில் சலார் திரைப்படத்தை இயக்கி வருகிறார். இந்தப் படத்தில் பிரபாஸுக்கு வில்லனாக பிரித்விராஜ் நடிக்கிறார். மேலும் இவர்களுடன் ஜெகதிபாபு ஸ்ருதிஹாசன் மற்றும் பலர் நடிக்கின்றனர். கே ஜி எஃப் படங்களைப் போலவே இந்த படமும் ஒரு ஆக்சன் படமாக உருவாகி வருகிறது. பிரபாஸின் சமீபத்திய படங்கள் எதிர்பார்த்த அளவில் வெற்றி பெறாத காரணத்தால் சலார் படத்தின் மீதான எதிர்பார்ப்பு அதிகமாகவே உள்ளது.
இந்த படத்தை கே ஜி எஃப் படத்தை தயாரித்த ஹோம்பாலே ஃபில்ம்ஸ் நிறுவனம் தயாரிக்கிறது. இந்த படம் தமிழ், தெலுங்கு, கன்னடம், மலையாளம், ஹிந்தி உள்ளிட்ட மொழிகளில் வருகின்ற செப்டம்பர் 28ஆம் தேதி வெளியாக இருக்கிறது.
இந்நிலையில் இந்த படத்தின் டீசர் வருகின்ற ஜூலை 6ஆம் தேதி அதிகாலை 5:12 மணி அளவில் வெளியாகும் என்று படக்குழுவினர் போஸ்டர் ஒன்றை வெளியிட்டு அறிவித்துள்ளனர்.