நடிகை பிரீத்தி முகுந்தன், தனது அடுத்த படத்தில் மதுரை பெண்ணாக நடிக்க உள்ள நிலையில், அந்த கதாபாத்திரத்தை சிறப்பாக வெளிப்படுத்துவதற்காக மதுரை மக்களின் பழக்கவழக்கங்கள் மற்றும் பேச்சுவழக்கை கற்று வருவதாக தெரிவித்துள்ளார்.
அசோக் செல்வனுடன் ‘அன்பில் அவன்’
ஆர்.கார்த்திகேயன் இயக்கத்தில் அசோக் செல்வன், பிரீத்தி முகுந்தன் நடிப்பில் உருவாகியுள்ள ‘அன்பில் அவன்’ திரைப்படம் அக்டோபர் 2-ஆம் தேதி திரைக்கு வர உள்ளது. படத்திற்கு கோவிந்த் வசந்தா இசையமைத்துள்ளார். இந்தப் படத்திற்காக தான் மிகவும் உழைத்துள்ளதாக பிரீத்தி முகுந்தன் தெரிவித்துள்ளார்.
தனுஷ் படத்தில் மதுரை பெண்ணாக நடிப்பு
அடுத்ததாக தனுஷுடன் புதிய படத்தில் நடித்து வருவதாக பிரீத்தி முகுந்தன் கூறியுள்ளார். இந்தப் படத்தில் அவர் மதுரை பெண் கதாபாத்திரத்தில் நடிக்கிறார். முதன்முறையாக கிராமத்து பெண் கதாபாத்திரத்தில் நடிப்பதாகவும் அவர் தெரிவித்துள்ளார்.
மதுரை பழக்கவழக்கங்களை கற்று வருகிறேன்
திருச்சியில் வளர்ந்த தான் மதுரைக்கு அடிக்கடி சென்றிருப்பதாக பிரீத்தி முகுந்தன் கூறியுள்ளார். மதுரையைப் பற்றி தெரிந்திருந்தாலும், அந்தப் பகுதியின் பழக்கவழக்கங்களை இன்னும் நுணுக்கமாக அறிந்து கொள்வதற்காக ஒருவரிடம் பயிற்சி பெற்று வருவதாக தெரிவித்துள்ளார்.
மேலும், மதுரை மக்களின் உடல்மொழி மற்றும் பேச்சுவழக்கை கற்றுக்கொண்டு, கதாபாத்திரத்தை இயல்பாக வெளிப்படுத்துவதற்கான பயிற்சியையும் மேற்கொண்டு வருவதாக கூறியுள்ளார்.
“யாரையும் ரோல்மாடலாக எடுத்துக்கொள்ளவில்லை”
‘அன்பில் அவன்’ படத்தில் அசோக் செல்வனிடம் இருந்து நிறைய கற்றுக்கொண்டதாக கூறிய பிரீத்தி முகுந்தன், யாரையும் தனது ரோல்மாடலாக எடுத்துக்கொள்ளவில்லை என்றும், தான் நானாக இருக்கவே விரும்புவதாகவும் தெரிவித்துள்ளார்.
கோவாவில் ‘புருஷன்’ படப்பிடிப்பில் விபத்து: நடிகர் விஷாலுக்கு பலத்த காயம்