பான் இந்தியா அளவில் மிகப்பெரிய எதிர்பார்ப்புடன் தயாராகி வரும் திரைப்படம் தான் புஷ்பா 2 (புஷ்பா தி ரூல்). இது புஷ்பா 1(புஷ்பா தி ரைஸ்) படத்தின் தொடர்ச்சியாக மிகப் பிரம்மாண்டமாக உருவாகி வருகிறது. நடிகர் அல்லு அர்ஜுனுக்கு இந்திய அளவில் மிகப்பெரிய மார்க்கெட்டை புஷ்பா படம் பெற்று தந்தது. இயக்குனர் சுகுமார் எழுதி இயக்கிய இப்படம் நாடு முழுவதும் 300 கோடிக்கு மேல் வசூலித்து சாதனை செய்தது. புஷ்பா 2 படத்தின் டீசர் சமீபத்தில் வெளியாகி இணையத்தில் பெரும் வரவேற்பை பெற்றது. இந்நிலையில் புஷ்பா 2 படம் 2024 ஆம் ஆண்டு ஆகஸ்ட் 15 அன்று திரையரங்குகளில் வெளியாகும் என படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது.
புஷ்பா 1 படத்தின் ஆக்சன் காட்சிகள், மாஸ் சீன்ஸ் எல்லாம் வேற லெவலில் அமைந்து ஆடியன்ஸை கவர்ந்தது. ஒரு சாதாரண கமர்சியல் கதையம்சம் கொண்ட படத்தினை மேக்கிங்கில் பிரமிக்க வைத்திருந்தனர் படக்குழு. படத்தின் கிளைமாக்ஸ்-ல் வில்லனாக என்ட்ரி கொடுக்கும் பகத் பாசில் புஷ்பா 2 படத்திலும் வில்லனாக நடித்து வருகிறார்.மைத்திரி மூவி மேக்கர்ஸ் நிறுவனம் இப்படத்தை தயாரிக்கிறது.தேவி ஸ்ரீ பிரசாத் இதற்கு இசையமைக்கிறார். மேலும் படத்தில் சர்ப்ரைஸ் ஆக பல நட்சத்திரங்கள் நடிக்கின்றனர். இந்நிலையில் படத்தின் ரிலீஸ் தேதி அறிவிப்பு ரசிகர்களின் எதிர்பார்ப்பை மேலும் பற்ற வைத்துள்ளது.
- Advertisement -